வெப்பத்தை தனித்த வெப்ப சலன மழை..! தமிழக மக்கள் மகிழ்ச்சி.!

தமிழகம், புதுச்சேரியில் இன்று முதல் 5 நாட்களுக்கு லேசானது முதல் மிதமான மழைக்கு வாய்ப்பு.

வெப்ப சலன மழை:

வெப்ப சலனம் காரணமாக, இன்று முதல் வரும் 27-ஆம் தேதி வரை தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தகவல் தெரிவித்துள்ளது.

தமிழகத்தில் வெயில் பல இடங்களில் கொளுத்தியும் வந்த நிலையில், வெப்பத்தை தனிக்கும் வகையில் வெப்ப சலன மழை பெய்து வருகிறது. இதனால், தமிழக மக்கள் மகிழ்ச்சியடைந்துள்ளனர்.

மிதமான மழைக்கு வாய்ப்பு:

கடந்த சில நாட்களாகவே பல மாவட்டங்களில் கனமழை பெய்தும், வெயில் கொளுத்தியும் வந்தது. இந்த நிலையில், இன்று முதல் அடுத்த 5 நாட்களுக்கு தமிழகம் மற்றும் புதுச்சேரியில் மிதமான மழைக்கு வாய்ப்பு என வானிலை ஆய்வு மையம் தகவல் தெரிவித்துள்ளது.

சென்னை நிலவரம்:

சென்னையை பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 38-39 டிகிரி செல்சியஸ் மற்றும் குறைந்தபட்ச வெப்பநிலை 28-29 டிகிரி செல்சியஸை ஒட்டியே இருக்கும் என தெரிவிக்கப்பட்டுள்ளது.