கர்நாடக முதல்வர் குறித்த அறிவிப்பு நாளைக்குள் வெளியாகும்..! – ரன்தீப் சுர்ஜேவாலா

இன்று மாலை அல்லது நாளைக்குள் முதல்வர் யார்? குறித்த அதிகாரப்பூர்வ அறிவிப்பை கட்சித் தலைவர் கார்கே வெளியிடுவார்.

கர்நாடகா சட்டமன்ற தேர்தலில் பாஜகவை வீழ்த்தி காங்கிரஸ் பெரும்பாண்மையான இடங்களில் வெற்றி பெற்றது. இந்த நிலையில், கர்நாடகா முதலமைச்சர் யார் என்ற எதிர்பார்ப்பு மக்கள் மத்தியில் எழுந்துள்ள நிலையில், இதுதொடர்பாக காங்கிரஸ் கட்சியும் ஆலோசனை நடத்தி வருகிறது.

இந்த நிலையில், முதலமைச்சர் போட்டியில் உள்ள இரு தலைவர்களும் கார்கேவை சந்தித்து பேசிய நிலையில், கர்நாடகா முதல்வர் குறித்த அறிவிப்பு இன்று வெளியாகும் என எதிர்பாக்கப்பட்டது.

இந்த நிலையில், இதுகுறித்து காங்கிரஸ் செய்தி தொடர்பாளர் ரன்தீப் சுர்ஜேவாலா செய்தியாளர்களுக்கு பேட்டியளித்துள்ளார். அவர் கூறுகையில், கர்நாடக முதல்வர் தேர்வு தொடர்பாக பரப்பப்படும் வீண் வதந்திகளை நம்ப வேண்டாம்.

இன்று மாலை அல்லது நாளைக்குள் முதல்வர் யார்? குறித்த அதிகாரப்பூர்வ அறிவிப்பை கட்சித் தலைவர் கார்கே வெளியிடுவார்.  மாநிலத்தில், அடுத்த 3 நாட்களுக்குள் புதிய அமைச்சரவை உருவாக்கப்படும்; கர்நாடக மக்களுக்கு காங்கிரஸ் கட்சி அளித்துள்ள முக்கியமான 5 வாக்குறுதிகள் நிச்சயம் நிறைவேற்றப்படும் என தெரிவித்துள்ளார்.