ஆவினில் செறிவூட்டப்பட்ட பசும்பால் அறிமுகம்!

by பாலா கலியமூர்த்திPosted on May 9, 2023

தமிழ்நாடு ஆவினில் செறிவூட்டப்பட்ட பசும்பால் அறிமுகம் செய்யப்பட்டுள்ளது.

தமிழ்நாடு பால் உற்பத்தியாளர்கள் கூட்டுறவு இணையத்தில் வைட்டமின் ஏ, வைட்டமின் டி செறிவூட்டம் செய்யப்பட்ட பசும்பால் அறிமுகம் செய்யப்பட்டுள்ளது. வைட்டமின் ஏ, வைட்டமின் டி செறிவூட்டம் செய்யப்பட்ட பசும்பாலை பர்ப்பிள் நிற பாக்கெட்டில் அறிமுகம் செய்துள்ளது ஆவின்.

இந்திய உணவு பாதுகாப்பு மற்றும் தர ஆணையத்தால் பாலில் செறிவூட்டதலுக்காக அனுமதிக்கப்பட்ட அளவில் பால் வகைகள் செறிவூட்டம் செய்யப்படுகிறது. எனவே, செறிவூட்டப்பட்ட பசும்பாலை வாங்கி பயன்படுத்துவதால் உடலுக்கு தேவையான வைட்டமின் ஏ மற்றும் டி கிடைக்கும் எனவும் ஆவின் நிறுவனம் தெரிவித்துள்ளது.