திமுக அரசின் 2 ஆண்டு சாதனை… மு.க.ஸ்டாலின் தலைமையில் இன்று பொதுக்கூட்டம்.!

மு.க.ஸ்டாலின் தலைமையில் 2 ஆண்டு ஆட்சி விளக்கும் பொதுக்கூட்டம் இன்று நடைபெறுகிறது.

திமுக பொறுப்பேற்று இரண்டு ஆண்டுகள் நிறைவடையுவுள்ள நிலையில், தமிழ்நாடு முழுவதும் முதலமைச்சர் மு.க.ஸ்டாலின் தலைமையில், மே 7,8, மற்றும் 9 ஆகிய மூன்று நாட்களில் திராவிட அரசின் இரண்டு ஆண்டுகள் சாதனைகளை விளக்கும் பொதுக்கூட்டம் நடைபெறும் என திமுக தலைமை அறிவித்துள்ளது.

அதன்படி, இரண்டு ஆண்டுகள் சாதனைகளை விளக்கும் வகையில் அறிவிக்கப்பட்ட தேதியின் படி, 7ம் தேதி ஆன இன்று பொதுக்கூட்டம் நடைபெறுகிறது. ஆனால், இடங்கள் பின்னர் தெரிவிக்கப்படும் என முன்னதாக அறிக்கையில் தெரிவிக்கப்பட்டிருந்தது. அது குறித்த தகவல் இன்னும் வெளியாகவில்லை.

அந்த வகையில், தமிழக அரசு கடந்த இரன்டு ஆண்டில் திமுக ஆட்சியின் கீழ் அடைந்த சாதனைகளை விளக்கும் ஈடில்லா ஆட்சி ஈராண்டே சாட்சி என்ற தமிழக அரசின் சாதனை மலர், முதல்வர் ஸ்டாலின் வெளியிட்டார்.

சென்னை கலைவாணர் அரங்கத்தில் நடைபெற்ற இந்த விழாவில் பேசிய அவர், நமது திராவிட ஆட்சி என்பது சமூக நீதி, சம நீதி, சகோதரத்துவம், சுயமரியாதை, சமதர்மம் நிறைந்தது. மக்களுக்கு கொடுத்த வாக்குறுதியை நிறைவேற்ற அயராது உழைப்பேன், என்றும் உங்களில் ஒருவனாகவும், உங்களோடு ஒருவனாகவும் இருந்து பாடுபடுவேன் தெரிவித்தார்.