தமிழ்நாடு காவல்துறையில் வேலைவாய்ப்பு.! வெளியான புதிய அறிவிப்பு.!

தமிழ்நாடு காவல்துறையில் சார்பு ஆய்வாளர் பணிக்கு காலிப்பணியிடங்கள் அறிவிக்கப்பட்டுள்ளன. 

தமிழ்நாடு காவல் துறையில் உள்ள காலிப்பணியிடங்களை நிரப்ப தற்போது தமிழ்நாடு சீருடை பணியாளர் தேர்வு வாரியம் அறிவிப்பை வெளியிட்டுள்ளது. அதன்படி, காவல் சார்பு ஆய்வாளர் (தாலுகா), காவல் சார்பு ஆய்வாளர் (ஆயுதப்படை), காவலர் சிறப்பு சார்பு ஆய்வாளர் ஆகிய பதவிகளுக்கு காலிப்பணியிடங்கள் அறிவிக்கப்பட்டுள்ளன.

இதில் மேற்கண்ட 3 பிரிவுகளுக்கும் சேர்த்து , ஆண்களுக்கு, 464 காலிப்பணியிடங்களும், பெண்களுக்கு 151 காலிப்பணியிடங்களும் என மொத்தமாக 615 காலிப்பணியிடங்கள் அறிவிக்கப்பட்டுள்ளன. இதற்கு விண்ணப்பிக்க ஜூன் 1 முதல் ஜூன் 30 வரையில் கால அவகாசம் அளிக்கப்பட்டுள்ளது.  tnusrb.tn.gov  என்ற இணையதளம் சென்று மேலும் விவரங்களை அறிந்து கொள்ளலாம் என அறிவுறுத்தப்பட்டுள்ளது. இந்த வருடம் ஆகஸ்ட் மாதம் இதற்கான தேர்வு நடைபெறும் எனவும் குறிப்பிடப்பட்டுள்ளது.