வெளியே வராதீங்க…”மழை” பெய்யும்…”வெயில்” கொளுத்தும்…சென்னை வானிலை ஆய்வு மையம் அலர்ட்.!!

இன்று மட்டும் நாளை தென்தமிழக மாவட்டங்களில் ஓரிரு இடங்களில் மழை பெய்யும் எனவும், வெப்பநிலை இயல்பிலிருந்து அதிகரிக்கக்கூடும் என சென்னை வானிலை ஆய்வு மையம் தகவல் தெரிவித்துள்ளது. 

வெயில் :

தமிழகத்தில் கோடை வெயிலின் தாக்கம் தினம் தினம் அதிகரித்து வரும் நிலையில், பல மாவட்டங்களில் வெயில் சதம் அடித்து வருகிறது. இந்நிலையில், இன்றும் -நாளையும்  தமிழகத்தில் ஒருசில இடங்களில் அதிகபட்ச வெப்பநிலை இயல்பிலிருந்து 2 – 3 டிகிரி செல்சியஸ் அதிகமாக இருக்கக்கூடும் என சென்னை வானிலை ஆய்வு மையம் தகவல் தெரிவித்துள்ளது.

சென்னையை பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 36-37 டிகிரி செல்சியஸ் மற்றும் குறைந்தபட்ச வெப்பநிலை 26-27 டிகிரி செல்சியஸ் அளவில் இருக்கக்கூடும்.

மழை :

• தென் இந்திய பகுதிகளின் மேல் வளி மண்டலத்தின் கீழடுக்குகளில் கிழக்கு திசை காரணமாக 19 மற்றும் 20 ஆகிய இரண்டு நாட்களில் தென் தமிழக மாவட்டங்களில் ஓரிரு இடங்களில் லேசானது மிதமான மழை பெய்யக்கூடும்.
• 21 -ஆம் தேதி தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.
• 22,23 ஆகிய தேதிகளில் தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்