#IPL Breaking: பரபரப்பான போட்டி..ராஜஸ்தான் ராயல்ஸ் 3 விக்கெட் வித்தியாசத்தில் த்ரில் வெற்றி..!
ஐபிஎல் தொடரின் இன்றைய GT vs RR போட்டியில், ராஜஸ்தான் ராயல்ஸ் அணி 3 விக்கெட் வித்தியாசத்தில் வெற்றி.
16-வது ஐபிஎல் தொடரின் இன்று 2 போட்டிகள் நடைபெறுகிற நிலையில், 7.30 மணிக்கு நடைபெறும் போட்டியில் குஜராத் டைட்டன்ஸ் மற்றும் ராஜஸ்தான் ராயல்ஸ் அணிகள் அகமதாபாத்தில் உள்ள நரேந்திர மோடி மைதானத்தில் மோதுகின்றன. இதில் டாஸ் வென்ற ராஜஸ்தான் அணி முதலில் பந்துவீச்சை தேர்வு செய்வதாக அறிவித்தது.
இதன்படி, முதலில் களமிறங்கிய குஜராத் அணியின் தொடக்க ஆட்டக்காரர் விருத்திமான் சாஹா, அதிரடியாக ஒரு பவுண்டரி அடித்து ஆட்டமிழந்தார். அதன் பிறகு, கில் மற்றும் சுதர்சன் அணிக்கு வலு சேர்த்த நிலையில் சுதர்சன் ஆட்டமிழக்க, ஹர்திக் பாண்டியா, டேவிட் மில்லர் தங்களது அதிரடி ஆட்டத்தால் குஜராத்தின் பந்துகளை பறக்கவிட்டனர். முடிவில் குஜராத் அணி 20 ஓவர்களில் 7 விக்கெட்களை இழந்து 177 ரன்கள் குவித்தது.
இதனையடுத்து, 178 ரன்கள் எடுத்தால் வெற்றி என்ற இலக்குடன் களமிறங்கிய ராஜஸ்தான் அணியின் தொடக்க ஆட்டக்காரர்கள், யஷஸ்வி ஜெய்ஸ்வால் மற்றும் ஜோஸ் பட்லர் வந்த வேகத்தில் களத்தை விட்டு வெளியேறினர். அடுத்ததாக களமிறங்கிய கேப்டன் சஞ்சு சாம்சன் அதிரடியாக விளையாடி அரைசதம் அடிக்க, ரியான் பராக் 5 ரன்களில் ஆட்டமிழந்தார்.
இறுதியில், 6 பந்துகளில் 7 ரன்கள் மட்டுமே தேவைப்பட்ட நிலையில் ஷிம்ரோன் ஹெட்மியர், அரைசதம் விளாசி அணியை வெற்றி பெற வைத்தார். ராஜஸ்தான் அணியில் அதிகபட்சமாக சஞ்சு சாம்சன் 60 ரன்களும், ஷிம்ரோன் ஹெட்மியர் 56* ரன்களும், தேவ்தட் படிக்கல் 26 ரன்களும் குவித்துள்ளனர். குஜராத் அணியில் முகமது ஷமி 3 விக்கெட்டுகளும், ரஷித் கான் விக்கெட்டுகளும் வீழ்த்தியுள்ளனர்.
