சட்டவிரோத கனிம கடத்தல்.. 4 ஆயிரம் வாகனங்கள்.. ரூ.41 கோடி வசூல்.! சட்டப்பேரவையில் தகவல்.!

2023- 2023 மார்ச் வரையில் அனுமதியின்றி நடந்த கனிமவள கடத்தல் பற்றியும், அதற்கான நடவடிக்கை பற்றியும் கனிம வளத்துறை தகவல் தெரிவித்துள்ளது.

தமிழகத்தில் நடந்த கனிமவள கடத்தல் பற்றி தமிழக சட்டப்பேரவையில் சுரங்கங்கள் மற்றும் கனிமங்கள் துறை சார்பில் விளக்கம் அளிக்கப்பட்டுள்ளது. அதில் , கடந்த 2022 முதல் கடந்த மாதம் 2023 மார்ச் வரையில் நடந்த கனிம வள கடத்தல் பற்றி கூறப்பட்டுள்ளது.

பெரிய சவால் :

தமிழகத்தில் கனிமங்கள் சட்டவிரோதமாக வெட்டி எடுக்கப்படுவதும், அதனை கடத்தும் சம்பவத்தை தடுப்பதும் மிகப்பெரிய சவாலாக இருந்து வருகிறது என்று கனிம வளத்துறை தெரிவித்துள்ளது.

41 கோடி ரூபாய் பறிமுதல் :

அப்படி கடத்தலை தடுக்க, கடந்த 2022 ஆண்டு முதல் மார்ச் 2023 வரை உரிய அனுமதி இன்றி கனிமங்களை கடத்திய வழக்கில் 4,799 வாகனங்கள் கைப்பற்றப்பட்டுள்ளன என்றும், ரூ.41 கோடி வசூல் செய்யப்பட்டுள்ளது என்றும் அதில் குறிப்பிடபட்டுள்ளது.

ஜிபிஎஸ் கருவி :

இந்த கனிம கடத்தலில் தொடர்ந்து ஈடுபட்டு வந்த 4 நபர்கள் மீது குண்டர் தடுப்பு சட்டத்தின் கீழ் நடவடிக்கை எடுக்கப்பட்டுள்ளது. என்றும், குறிப்பிடப்பட்டுள்ளது. இந்த கடத்தலை தடுக்க குத்தகைதாரர்கள் மற்றும் வாகன உரிமையாளர்கள் செலவில் குறிப்பிட்ட வாகனங்களுக்கு ஜிபிஎஸ் கருவி பொருத்துவது கட்டாயமாக்கப்படும் என்றும் அதில் குறிப்பிடப்பட்டுள்ளது.

புதிய மென்பொருள் :

சட்டவிரோத கனிம கடத்தலை தடுக்கும் வகையில் வாகன கண்காணிப்பு அமைப்பை உருவாக்குவதற்கான மென்பொருள் ஒன்று உருவாக்கப்படும் என்று சுரங்கங்கள் மற்றும் கனிமங்கள் துறை சார்பில் சட்டப்பேரவை குறிப்பில் குறிப்பிடப்பட்டுள்ளது.