கலாஷேத்ரா பாலியல் குற்றசாட்டு.! முன்னாள் டிஜிபி தலைமையில் விசாரணை குழு.!

கலாஷேத்ரா பாலியல் குற்றசாட்டு தொடர்பாக முன்னாள் டிஜிபி தலைமையில் விசாரணை குழுவானது அமைக்கப்பட்டுள்ளது.

சென்னை, கலாஷேத்ரா கல்லூரியில் மாணவிகளுக்கு பாலியல் சீண்டல் புகார் கொடுக்கப்பட்டதாக ஆசிரியர்கள் மீது எழுந்த புகாரின் பெயரில் ஏற்கனவே, ஹரி பத்மன் என்பவர் காவல்துறையால் கைது செய்யப்பட்டு தற்போது நீதிமன்ற காவலில் இருக்கிறார்.

முன்னாள் டிஜிபி :

தற்போது இந்த பாலியல் குற்றசாட்டுகள் தொடர்பாக விரிவான விசாரணை நடத்துவதற்கு கலாஷேத்ரா அறக்கட்டளை விசாரணை குழுவை அமைத்துள்ளது. இதற்கு முன்னாள் தமிழக டிஜிபி லத்திகா சரண் தலைமை தாங்கவுள்ளார்.

விரிவான அறிக்கை :

முன்னாள் நீதிபதி கண்ணன், டாக்டர் ஷோபா வர்தாமான் ஆகியோர் இந்த விசாரணை குழுவில் உள்ளனர். இவர்கள் மாணவிகள் கொடுத்த பாலியல் புகார்கள் குறித்து விரிவான அறிக்கையை தாக்கல் செய்ய உள்ளனர்.

மாணவிகளின் கோரிக்கைகள் :

இதற்கிடையில், ஏப்ரல் 5ஆம் தேதி முதல் கலாஷேத்ரா கல்லூரியில் செமஸ்டர் தேர்வுகள் ஆரம்பமாக உள்ளது. ஆனால், மாணவிகள் மத்தியில் புகார் அளிக்கப்பட்ட ஹரி பத்மன் உட்பட 4 ஆசிரியர்களும் நிரந்தரமாக நீக்கப்படுவதாக எழுத்துபூர்வமாக உறுதியளித்தால் மட்டுமே நாங்கள் தேர்வு எழுதுவோம் என கூறியுள்ளதாக தெரிகிறது.