IPL 2023: MI vs RCB போட்டி; திலக் வர்மா அதிரடி! மும்பை அணி 171 ரன்கள்.!

ஐபிஎல்-இல் MI-RCB அணிகளுக்கிடையேயான போட்டியில் முதலில் பேட் செய்த மும்பை அணி, 171/7 ரன்கள் குவிப்பு.

16-வது ஐபிஎல் தொடரில் இன்று இரண்டு போட்டிகள் நடைபெறும் வேளையில், 7.30 மணிக்கு தொடங்கும் போட்டியில் மும்பைஇந்தியன்ஸ் மற்றும் ராயல் சேலஞ்சர்ஸ் பெங்களூரு அணிகள், பெங்களூரு சின்னசாமி ஸ்டேடியத்தில் இன்று விளையாடி வருகிறது. டாஸ் வென்ற பெங்களூரு அணி முதலில் பவுலிங் தேர்வு செய்தது.

இதன்படி முதலில் களமிறங்கிய மும்பை அணிக்கு இஷான் கிஷன் மற்றும் ரோஹித் சர்மா ஏமாற்றம் அளித்தனர். இஷான் 10 ரன்களிலும், ரோஹித் 1 ரன்னிலும் ஆட்டமிழந்தனர். பெரிதும் எதிர்பார்க்கப்பட்ட கேமரூன் க்ரீன் 5 ரன்னில் ஆட்டமிழந்து வெளியேறினார்.

அதன் பிறகு இறங்கிய சூர்யகுமார் மற்றும் திலக் வர்மா இருவரும் ஓரளவு நிலைத்து நின்று ஆடிய நிலையில், சூர்யகுமார் 15 ரன்களில் ஆட்டமிழக்க, திலக் வர்மா சிறப்பாக விளையாடி அரைசதம்(84* ரன்கள்) கடந்தார். கடைசி நேரத்தில் திலக் வர்மா அதிரடியாக விளையாட, மும்பை அணி 20 ஓவர்கள் முடிவில் 7 விக்கெட் இழப்புக்கு 171 ரன்கள் குவித்துள்ளது.

பெங்களூரு அணி தரப்பில் கரண் சர்மா 2 விக்கெட்களும், சிராஜ், ப்ராஸ்வெல், டாப்லே, ஆகாஷ் தீப், ஹர்சல் பட்டேல் ஆகியோர் தலா 1 விக்கெட்டும் வீழ்த்தினர்.