நேரடி ஒளிபரப்பு தமிழக சட்டப்பேரவை நிகழ்வுகளை செய்யவேண்டும்!சரத்குமார்

சமத்துவ மக்கள் கட்சியின் தலைவர் சரத்குமார் வைத்த கோரிக்கையில் கூறியதாவது,   நாடாளுமன்ற அவைகளின் நிகழ்வுகளையும், ஆந்திரா மற்றும் கர்நாடகா போன்ற மாநிலங்களின் சட்டமன்ற நிகழ்வுகளையும், நேரடி ஒளிபரப்பு செய்வது போன்று, தமிழக சட்டப்பேரவை நிகழ்வுகளையும் நேரடி ஒளிபரப்பு செய்யவேண்டும் என தமிழக அரசைக் கேட்டுக்கொள்கிறேன்.

சட்டமன்ற உறுப்பினர்களின் கேள்விகள், விவாதங்கள் போன்றவை பொதுமக்களுக்கு தெரியவரும் அதேவேளை, சட்டமன்ற உறுப்பினர்கள்  தத்தம் தொகுதிகளின் பேரவைச் செயல்பாடுகளையும் மக்கள் அறிந்துகொள்ள ஏதுவாக இருக்கும் என்பது மட்டுமல்லாமல் மாணவர்கள், இளைஞர்கள், பொதுமக்கள் சட்டமன்ற செயல்பாடுகள் குறித்தும் அறிந்துகொள்ளவும், தங்கள் ஜனநாயக கடமையை புரிந்துக் கொள்ளவும் முடியும். எனவே பேரவை நிகழ்வுகளின் நேரடி ஒளிபரப்புக் குறித்து உடனடியாகப் பரிசீலித்து நடைமுறைப்படுத்த தமிழக அரசை சமத்துவ மக்கள் கட்சியின் சார்பில் கேட்டுக்கொள்வதாக சரத்குமார் தெரிவித்துள்ளார்.

மேலும் செய்திகளுக்கு தினச்சுவடுடன் இணைந்திருங்கள்.