குற்றச்சாட்டுகளுக்கு விளக்கம் அளிக்க வாய்ப்பு வழங்க வேண்டும்..! ராகுல்காந்தி கடிதம்

தன்மீதுள்ள குற்றச்சாட்டுகளுக்கு விளக்கம் அளிக்க வாய்ப்பு வழங்க வேண்டும் என ராகுல்காந்தி கடிதம் எழுதியுள்ளார்.

இங்கிலாந்தில், கேம்ப்ரிட்ஜ் பல்கலைக்கழகத்தில் காங்கிரஸ் எம்பி ராகுல்காந்தி பேசிய போது, இந்திய ஜனநாயகம் தற்போது ஆபத்தான நிலையில் உள்ளது. அரசியல் தலைவர்கள் கண்காணிக்கப்படுகின்றனர் என்று குற்றம் சாட்டினார்.

தொடர் அமளி :

இதையடுத்து ராகுல் காந்தியின் கருத்துக்களை குறிப்பிட்டு பாராளுமன்றத்தில் 7 வது நாளான இன்றும் பாஜக எம்பிக்கள் அமளியில் ஈடுபட்டு வந்தனர். அதே போல அதானி குழும விவகாரம் குறித்து விசாரணை குழு அமைக்க வேண்டும் என எதிர்க்கட்சிகளும் அமளியில் ஈடுபட்டு வந்ததால் பாராளுமன்றம் 7 நாளாக முடங்கியுள்ளது .

ராகுல்காந்தி கோரிக்கை :

தற்பொழுது, தன் மீது வைக்கப்பட்டுள்ள குற்றச்சாட்டுகளுக்கு விளக்கம் அளிக்க வாய்ப்பு வழங்கக் கோரி மக்களவை சபாநாயகர் ஓம் பிர்லாவுக்கு காங்கிரஸ் எம்.பி.ராகுல்காந்தி கடிதம் எழுதியுள்ளார். முன்னதாக நான் இந்திய ஜனநாயகம் குறித்து தவறாக பேசவில்லை. என கூறி, அதற்கான விளக்கத்தை அளிக்க நாடாளுமன்றத்தில் உரையாற்ற அனுமதிக்க வேண்டும் என ராகுல்காந்தி, சபாயகரிடம் கோரிக்கை வைத்து இருந்த நிலையில் அவருக்கு வாய்ப்பு வழங்கப்படாததால் மீண்டும் வாய்ப்பு வழங்கக் கோரிக்கை கடிதம் எழுதியுள்ளார்.