TNAgricultureBudget2023 Live : விவசாயிகளுக்கு ரூ.14,000 கோடி கூட்டுறவு பயிர்க்கடன் வழங்கப்படும்..!

by செந்தில்குமார்Posted on March 21, 2023

2023-24-ஆம் நிதியாண்டுக்கான தமிழக பட்ஜெட் சட்டப்பேரவையில் நேற்று தாக்கல் செய்யப்பட்டது. இதையடுத்து இன்று தமிழக வேளாண் பட்ஜெட் தாக்கல் செய்யப்படுகிறது.

காவிரி டெல்டா பகுதியில் திருச்சி -நாகை இடையே வேளாண் தொழில் பெருந்தடம் அமைக்க ரூ.1,000 கோடி ஒதுக்கீடு செய்யப்பட்டுள்ளது.
வேளாண் பல்கலைக்கழகங்களுக்கு ரூ.100 கோடி நிரந்தர மூலதன வைப்பு நிதியாக வழங்கப்படும்.

விவசாயிகளுக்கு ரூ.14 ஆயிரம் கோடி கூட்டுறவு கடன் வழங்க நடவடிக்கை எடுக்கப்படும்.
அனைத்து மாவட்ட ஆட்சியர் அலுவலகங்களிலும் சிறுதானிய உணவக சிற்றுண்டி நிலையம் அமைக்கப்படும். இதன் முதற்கட்டமாக 25 உழவர் சந்தைகளில் தொன்மை சார் உணவகங்கள் தனியார் பங்களிப்புடன் உருவாக்கப்படும்.

விவசாயிகளின் அடிப்படை தகவல்களை சேகரித்து, ‘GRAINS’ இணையதளம் அறிமுகப்படுத்தப்படும், இதன்மூலம் விவசாயிகளுக்கு ஒரே தளத்தில் எல்லா பயன்களும் கிடைக்கும்
சன்ன ரக நெல்லுக்கு குவின்டாலுக்கு ரூ.100, பொது ரக நெல்லுக்கு ரூ.75 ஊக்கத்தொகை ஒதுக்கீடு செய்யப்பட்டுள்ளது. 25 லட்சம் மெட்ரிக் டன் நெல் கொள்முதல் செய்ய நடவடிக்கை.
விவசாயிகளுக்கு வட்டியில்லா கடனாக ரூ1,500 கோடி பயிர் கடன் வழங்கப்படும்.
அதிக வரத்துள்ள 100 ஒழுங்குமுறை விற்பனை கூடங்களில் ரூ,50 கோடி செலவில் கட்டமைப்பு வசதிகள் புதுப்பிக்கப்படும்.

27 சேமிப்பு கிடங்குகளில் ரூ.54 கோடியில் மறுகட்டமைப்பு செய்ய நடவடிக்கை மேற்கொள்ளப்படும்.

பூச்சிகள் பற்றிய புரிதலை அதிகரிக்க கோவை வேளாண் பல்கலைக்கழகத்தில் ரூ.3 கோடியில் பூச்சிகள் அருங்காட்சியங்கள் மேம்படுத்தப்படும்.
காவிரிநீர் கடைமடை வரை சென்று சேர ரூ.1,146 கி.மீ. தொலைவு வாய்க்காலை தூர்வார ரூ.5 கோடி ஒதுக்கீடு செய்யப்பட்டுள்ளது.
25 உழவர் சந்தைகளில் அடிப்படை வசதிகளை மேம்படுத்த ரூ.9 கோடி நிதி ஒதுக்கீடு செய்யப்பட்டுள்ளது. மேலும் உழவர் சந்தைக்கு வரும் விவசாயிகளுக்கு சிற்றுண்டி, மூலிகை சூப் வழங்க நடவடிக்கை எடுக்கப்படும்.

கடலூர் கோட்டைமலை கத்திரி, மதுரை செங்கரும்பு, சிவகங்கை கருப்பு கவுனி அரிசி ஆகியவற்றிற்கு புவிசார் குறியீடு பெற ரூ.30 லட்சம் மதிப்பீட்டில் திட்டமிடப்பட்டுள்ளது.

தஞ்சையில் வேளாண் தொழில்நுட்ப புத்தொழில்களை வளர்ப்பதாக புதிய வட்டார புத்தொழில் மையம் அமைக்கப்படும்.
பனை சாகுபடியை ஊக்குவித்து, பனை விவசாயிகளின் வாழ்வாதாரத்தை மேம்படுத்த ரூ.2 கோடி ஒதுக்கீடு செய்யப்பட்டுள்ளது.
வேளாண்மையின் மகத்துவத்தை பள்ளி மாணவர்கள் அறிந்து கொள்வதற்காக கல்வித் துறையுடன் இணைந்து பண்ணை சுற்றுலா செயல்படுத்த ரூ.1 கோடி நிதி ஒதுக்கீடு செய்யப்பட்டுள்ளது.
விவசாயிகளுக்கு வேளாண் இயந்திரங்கள், வாடகை இயந்திரங்கள் வழங்க ரூ.125 கோடி ஒதுக்கீடு செய்யப்பட்டுள்ளது.

வாழைக்காக தனித் தொகுப்பு திட்டத்திற்காக ரூ.130 கோடி நிதி ஒதுக்கீடு செய்யப்பட்டுள்ளது. உலக சந்தையில் தேனி மாவட்ட வாழைக்கு தனி அடையாளம் உருவாக்கிட இத்திட்டம் செயல்படுத்தப்படும்.
காவிரி படுகை உழவர்களின் வருமானத்தை அதிகரிக்கவும், இளைஞர்களுக்கு வேலைவாய்ப்பை உருவாக்கவும், அடுத்த 5 ஆண்டுகளில் வேளாண் சார்ந்த தொழில்களை வளர்த்தெடுக்க ரூ.1,000 கோடி நிதி ஒதுக்கீடு செய்யப்பட்டுள்ளது.
முந்திரி சாகுபடியை கூடுதலாக 550 ஹெக்டேர் அதிகரிக்க நடவடிக்கை.
தக்காளி மற்றும் வெங்காயம் ஆண்டு முழுவதும் சீராக கிடைக்க தக்காளிக்கு ரூ.19 கோடியும், வெங்காயத்துக்கு ரூ.29 கோடியும் ஒதுக்கீடு செய்யப்பட்டுள்ளது.
வெளிநாட்டு வேளாண் தொழில்நுட்பங்களை தெரிந்துக்கொள்ள விவசாயிகளை வெளிநாடுகள் அழைத்துச் சென்று பயிற்சியளிக்க ரூ.3 கோடி நிதி ஒதுக்கீடு செய்யப்பட்டுள்ளது.

200 ஏக்கர் பரப்பளவில், விதை உற்பத்தி செய்து மானிய விலையில் விநியோகிக்க ரூ.50 லட்சம் ஒதுக்கீடு செய்யப்பட்டுள்ளது.
3 முதல் 4 கிராமங்களுக்கு ஒரு வேளாண் விவரிக்க அலுவலரை நியமிக்கும் உழவர் அலுவலர் தொடர்பு திட்டம் 2.0.
கரும்பு விவசாயிகளுக்கு கொள்முதல் விலையுடன் கூடுதல் ஊக்கத்தொகை வழங்க ரூ.285 கோடி ஒதுக்கீடு செய்யப்பட்டுள்ளது.
நுண்ணீர் பாசன முறையை பின்பற்றி நிலத்தடி நீரை சரியாக பயன்படுத்தி அதிக சாகுபடிக்கு கொண்டு வர நடவடிக்கை எடுக்கப்படும். ரூ.650 கோடியில், 53,400 ஹெக்டர் பரப்பளவில் நுண்ணீர் பாசன அமைப்புகள் ஏற்படுத்தப்படும்.
நுண்ணீர் பாசனம் நிறுவதற்கு ரூ.450 கோடி ஒதுக்கீடு செய்யப்பட்டுள்ளது.
ராமநாதபுரம், விருதுநகர், சிவகங்கை, தூத்துக்குடி உள்ளிட்ட 4 மாவட்டங்களில் மிளகாய் மண்டலம் அமைக்கப்படும்.
தக்காளி உற்பத்தியை அதிகரிக்க சொட்டு நீர் பாசனம், அதிக மகசூல் தரும் பயிர் ரகங்களை பயிரிடுதல் போன்ற உத்திகள் ஊக்குவிக்கப்படும். இத்திட்டம் கிருஷ்ணகிரி, தர்மபுரி, சேலம், திண்டுக்கல், தேனி, திருப்பூர், கோவை ஆகிய மாவட்டங்களில், ரூ.19 கோடி நிதியில் செயல்படுத்தப்படும்.
சேலம், அமராவதி கூட்டுறவு சர்க்கரை ஆலைகளில் கழிவு மண்ணிலிருந்து மதிப்புக் கூட்டப்பட்ட இயற்கை உரம் தயாரிக்க ரூ.3 கோடி நிதி ஒதுக்கீடு செய்யப்பட்டுள்ளது.
மதுரை மல்லிப்பூ உற்பத்தியை அதிகரிக்க ரூ.7 கோடியில் புதிய இயக்கம் செயல்படுத்தப்படும்.
கடலூர், குமரி உள்ளிட்ட 21 மாவட்டங்களில் பலா சாகுபடியை 5 ஆண்டுகளில் 2,500 ஹெக்டேரில் உயர்த்த ரூ.3 கோடி நிதி ஒதுக்கீடு செய்யப்பட்டுள்ளது.
5 ஆண்டுகளில் 2,500 ஹெக்டேரில் பலா சாகுபடியை உயர்த்த இலக்கு.
கோவையில், கருவேப்பில்லை சாகுபடியை அதிகரிக்க 5 ஆண்டுகளில் 1,500 ஹெக்டேரில் செயல்படுத்த ரூ.2.5 கோடி ஒதுக்கீடு செய்யப்பட்டுள்ளது.
தேனி, திண்டுக்கல், கரூர், தூத்துக்குடி, திருப்பூர், அரியலூர், மதுரை மாவட்டங்களை உள்ளடக்கிய முருங்கை ஏற்றுமதி மண்டலத்தில் 1000 ஏக்கரில் சாகுபடிகளை உயர்த்திட ரூ.11 கோடி ஒதுக்கீடு செய்யப்பட்டுள்ளது.
பயிர் பாதிப்பில் இருந்து விவசாயிகளை பாதுகாக்க மாநில அரசின் பயிர் காப்பீட்டு மனியத்திற்கு ரூ.2,337 கோடி நிதி ஒதுக்கீடு செய்யப்பட்டுள்ளது.
நூற்பாலைகளுக்கு தேவையான பஞ்சை தமிழ்நாட்டிலேயே உற்பத்தி செய்ய ரூ.12 கோடியில் பருத்தி இயக்கம்.
உடலுக்கு தேவையான புரதச்சத்தை வழங்கும் பயறு வகைகளின் பரப்பளவு மற்றும் உற்பத்தியை அதிகரிக்க ரூ.30 கோடி நிதி ஒதுக்கீடு செய்யப்பட்டுள்ளது.
ஒருங்கிணைந்த பண்ணையத்தை ஊக்குவிக்க ரூ.50,000 மானியம் வழங்க ரூ.50 கோடி ஒதுக்கீடு செய்யப்பட்டுள்ளது.
எண்ணெய் வித்துக்களின் உற்பத்தியை ஊக்குவிக்க 14 மண்டலங்களை உள்ளடக்கிய சிறப்பு மண்டலம். ரூ.33 கோடி ஒதுக்கீட்டில் நிலக்கடலை, சூரியகாந்தி உள்ளிட்ட எண்ணெய் வித்துகளின் உற்பத்தியை அதிகரிக்க திட்டம்.

தென்னை வளர்ச்சி மேம்பாட்டிற்க்கு ரூ.20 கோடி நிதி ஒதுக்கீடு செய்யப்பட்டுள்ளது. தேசிய அளவில் தென்னை உற்பத்தியில் தமிழ்நாடு முதலிடம் பெற திட்டம்.
மின்னணு உதவிமையங்களை செயல்படுத்த ரூ.2 கோடி நிதி ஓதுக்கீடு செய்யப்பட்டுள்ளது. 37 மாவட்டங்களில் 385 வட்டார வேளாண் விரிவாக்க மையங்கள் உருவாக்கப்படும்.
விவசாயிகளுக்கு சாகுபடி தொழில்நுட்பாங்கள், வானிலை முன்னறிவிப்புகள் போன்ற தகவல்களை உடனுக்குடன் தெரிவிக்க வட்டார அளவில் வாட்ஸ் அப் குழு அமைக்கப்படும்.
ஆதித்திராவிடர், பழங்குடியின சமூகங்களை சேர்ந்த சிறு விவசாயிகளுக்கு 20% மானியம் . மானியங்கள் வழங்க ரூ.14 கோடி நிதி ஒதுக்கீடு செய்யப்பட்டுள்ளது.
ஒரு லட்சம் ஏக்கரில் மாற்று சாகுபடியை ஊக்குவிக்க ரூ.14 கோடி நிதி ஒதுக்கீடு செய்யப்பட்டுள்ளது.
வேளாண் மாணவர்கள் 200 பேருக்கு தலா ரூ.2 லட்சம் உதவித்தொகை வழங்கப்படும்.
ஆர்கானிக் எனப்படும் அங்கக வேளாண் திட்டத்திற்கு ரூ.26 கோடி நிதி ஒதுக்கீடு செய்யப்பட்டுள்ளது.
பருவத்திற்கு ஏற்ற பயிர் தொழில்நுட்பம் பற்றிய தகவல்களை உழவர்களுக்கு பகிர்வதற்காக விவசாயிகளை ஒருங்கிணைத்து கிராம வேளாண் முன்னேற்ற குழு அமைக்கப்படும்.
வேளாண் வளர்ச்சித் திட்டத்திற்கு ரூ.230 கோடி நிதி ஒதுக்கீடு செய்யப்பட்டுள்ளது.
60,000 சிறு குறு மற்றும் நிலமற்ற வேளாண் தொழிலாளர்களுக்கு வேளாண் கருவிகள் தொகுப்பு ரூ.15 கோடி செலவில் வழங்கப்படும்.
ஊருக்கு 300 குடும்பங்கள் வீதம் தமிழ்நாடு முழுவதும் 15 லட்சம் தென்னங்கன்றுகள் இலவசமாக வழங்கப்படும்.
வேளாண்மையில் நம்மாழ்வார் ஆற்றிய பெரும் பங்கை எடுத்துரைக்கும் விதமாக அங்கக வேளாண்மையில் ஈடுபடுபவர்களுக்கு, தமிழ்நாடு அரசால் நம்மாழ்வார் பெயரில் விருது வழங்கப்படும்.
கம்பு, குதிரைவாலி போன்ற பயிர்களை அதிகமாக விளைவிக்கும் விவசாயிகளுக்கு ரூ.5 லட்சம் பரிசு.
புன்செய் நிலங்களுக்கு நிலங்களுக்கு உரிய பயிர்களை அறிமுகம் செய்யவேண்டிய தேவை ஏற்பட்டுள்ளது.
ரேஷன் அட்டைதாரர்களுக்கு தலா 2 கிலோ கேழ்வரகு வழங்க நடவடிக்கை. கம்பு உள்ளிட்ட சிறுதானியங்களை கொள்முதல் செய்து மக்களுக்கு வழங்க நடவடிக்கை.
பாரம்பரிய நெல் ரகங்களை பாதுகாக்கும் விவசாயிகளுக்கு ஊக்கத்தொகை வழங்கப்படும்.
சிறுதானிய உற்பத்தியை அதிகரிக்க ரூ.82 கோடி நிதி ஒதுக்கீடு செய்யப்பட்டுள்ளது.
2,064 கிராமங்களில் விவசாயிகளை உள்ளடக்கிய வேழான் முன்னேற்ற குழுக்கள் அமைக்கப்படும்.
5 மாவட்டங்களில் சிறுதானிய மணடலங்கள் விரிவாக்கம் செய்யப்படும். சிறுதானிய விவசாயிகளை ஒன்றிணைத்து பயிற்சிகள் அளிக்கப்படும்.
தமிழ்நாடு அரசால் ரூ.1695 கோடி காப்பீடு கட்டணம் மானியமாக வழங்கப்பட்டு, 6.77 லட்சம் விவசாயிகளுக்கு ரூ.783 கோடி இழப்பீடு வழங்கப்பட்டுள்ளது.
உழவர் உற்பத்தியாளர் குழுக்களுக்கு மானியம் வழங்கப்படும்.
நீர் நிலைகளை தூர் வாரியதால் நிலத்தடி நீர் வரத்து அதிகரித்து வருகிறது.
கடந்த 2 ஆண்டுகளில் 1.5 லட்சம் விவசாயிகளுக்கு மின் இணைப்பு வழங்கப்பட்டுள்ளது.

2021-22ல் வேளாண் பட்ஜெட்டில் தாக்கல் செய்யப்பட்ட பல தொலைநோக்கு திட்டங்களை முனைப்புடன் செயல்படுத்தியதால் 1,930 ஹெக்டேர் வியசாய பரப்பு அதிகரிக்கப்பட்டு, மொத்தம் 63.48 லட்சம் ஹெக்டேராக சாகுபடி பரப்பு அதிகரித்தது.

நவீன தொழில்நுட்பங்களை பயன்படுத்தி மகசூலை அதிகரிக்க நடவடிக்கை எடுக்கப்படும். தமிழ்நாட்டில் சாகுபடி பரப்பு 1.93 லட்சம் ஹெக்டேர் அதிகரிக்கப்பட்டுள்ளது.

தமிழக வேளாண் பட்ஜெட்:

இன்று அமைச்சர் எம்ஆர்கே பன்னீர்செல்வம் அவர்கள், தமிழக வேளாண் சட்டப்பேரவையில் 3வது முறையாக வேளாண் பட்ஜெட்டை தாக்கல் செய்கிறார். பச்சை நிற துண்டு அணிந்து பட்ஜெட்டை தாக்கல் செய்கிறார்.