விவசாயிகள் போராட்டத்தை கொச்சைப்படுத்திய பாஜக அமைச்சர்..!

ஊடகங்களின் கவனத்தை ஈர்க்கவே விவசாயிகள் போராட்டம் நடத்தி வருவதாக மத்திய வேளாண்துறை அமைச்சர் ராதாமோகன் சிங் கூறியது சர்ச்சையை ஏற்படுத்தியுள்ளது. மகாராஷ்டிரம், மத்தியப் பிரதேசம், அரியானா, பஞ்சாப், ராஜஸ்தான் ஆகிய மாநிங்களில் விவசாயிகள் விளைபொருட்களைச் சந்தைக்கு அனுப்பாமல் இருக்கும் போராட்டம் நடத்தி வருகின்றனர். விளைபொருட்களுக்குக் கட்டுப்படியாகும் விலை, வேளாண் கடன் தள்ளுபடி ஆகிய கோரிக்கைகளை அவர்கள் வலியுறுத்தி வருகின்றனர்.

இது குறித்து மத்திய வேளாண்துறை அமைச்சர் ராதாமோகன் சிங் பேசியபோது, ஐந்நூறுபேர், ஆயிரம்பேர் சேர்ந்து ஒரு சங்கம் வைத்துக்கொண்டு ஊடகங்களின் கவனத்தை ஈர்க்க இவ்வாறு போராட்டம் நடத்துவதாகத் தெரிவித்துள்ளார். விளைபொருட்களை விற்காவிட்டால் விவசாயிகளுக்குத் தான் இழப்பு என்றும் அவர் தெரிவித்துள்ளார். அமைச்சரின் கருத்துக்குக் காங்கிரஸ் உள்ளிட்ட எதிர்க்கட்சியினர் கண்டனம் தெரிவித்துள்ளனர். விவசாயிகளின் வருமானத்தை இருமடங்காக்குவதாக அளித்த வாக்குறுதியை மத்திய பாஜக அரசு நிறைவேற்றவில்லை எனவும் காங்கிரஸ் குற்றம்சாட்டியுள்ளது.