இந்தியாவில் செமிகண்டக்டர் உற்பத்தி ஆலைகளை கையாள திறமைசாலிகள் யாரும் இல்லை..! எம்இஐடிஒய் அதிகாரி
இந்தியாவில் செமிகண்டக்டர் உற்பத்தி ஆலைகளை கையாள திறமைசாலிகள் யாரும் இல்லை என்று எம்இஐடிஒய் அதிகாரி கூறியுள்ளார்.
இந்தியாவில் செமிகண்டக்டர் உற்பத்தி ஆலைகளை கையாள திறமைசாலிகள் யாரும் இல்லை என்று மின்னணு மற்றும் தகவல் தொழில்நுட்ப அமைச்சகம் (எம்இஐடிஒய்-Meity) மற்றும் ஐடி விஞ்ஞானி இ.பிரசாந்த் குமார் கூறியுள்ளார்.
எலக்ட்ரானிக்ஸ் துறை திறன் கவுன்சில் நிறுவன நாள் (ESSCI) அன்று நடந்த குழு விவாதத்தில், இந்தியாவில் செமிகண்டக்டர் வடிவமைக்கும் இன்ஜினியர்கள் அதிகம் உள்ளனர். ஆனால் செமிகண்டக்டர் ஆலைகளை கையாள திறமையானவர்கள் முதலில் வெளிநாட்டில் இருந்து வருவார்கள் என்று எம்இஐடிஒய் மற்றும் ஐடி விஞ்ஞானி இ.பிரசாந்த் குமார் கூறினார்.
எங்களிடம் செமிகண்டக்டர் உற்பத்தி ஆலைகளை கையாள திறமைசாலிகள் இந்தியாவில் இல்லை என்றும் 2027 ஆம் ஆண்டிற்குள் தொழில்துறை தேவைகளை பூர்த்தி செய்ய 10,000 முதல் 13,000 திறமைசாளிகளை உள்நாட்டில் உருவாக்கும் முயற்சியில் நிறுவனங்கள் ஈடுபடும் என்றார்.
சிப்ஸ்-டு-ஸ்டார்ட்அப் (Chips-to-Startup) திட்டத்தின் கீழ், 2027-க்குள் 85,000 திறமையானவர்களை உருவாக்க அரசு இலக்கு வைத்துள்ளது என்றும், கல்லூரிகள், ஸ்டார்ட்அப்கள் மற்றும் பொதுமக்கள் உட்பட 120 நிறுவனங்களுக்கு எலக்ட்ரானிக்ஸ் டிசைன் ஆட்டோமேஷன் கருவிகளை வடிவமைக்கும் விலை உயர்ந்த அதிநவீன சிப்களை வழங்கவும் இலக்கு வைத்துள்ளதாக இ.பிரசாந்த் குமார் கூறினார்.
