தொடர் அமளி.. 4வது நாளாக முடங்கிய நாடாளுமன்றம்.!

ஆளும் கட்சி மற்றும் எதிர்க்கட்சியினர் தொடர் அமளி காரணமாக நாடாளுமன்ற இரு அவைகளும் நாள் முழுவதும் ஒத்திவைக்கப்பட்டது. 

நாடாளுமன்றம் கடந்த 3 நாளாக  ஆளும் கட்சினர் மற்றும் எதிர்க்கட்சியினர் தொடர் அமளியால் முடங்கிய நிலையில் இன்று 4வது நாள் காலையில் கூட்டத்தொடர் தொடங்கியதுமே வழக்கம் போல, ஆளும் கட்சி மற்றும் எதிர்க்கட்சியினர் அமளியில் ஈடுபட்டனர்.

2 மணிவரை ஒத்திவைப்பு :

ராகுல் காந்தி மன்னிப்பு கேட்க வேண்டும் என ஆளும் கட்சியும், அதானி குழும விவகாரம் குறித்து தொடர் விசாரணை நடத்த வேண்டும் என எதிர்கட்சியினரும் அமளியில் ஈடுபட்டதால் மதியம் 2மணி வரை அவைகள் ஒத்திவைக்கப்பட்டது.

அவைகள் முடக்கம் :

அதனை அடுத்து மத்தியம் 2 மணிக்கு நாடாளுமன்ற இரு அவைகளும் தொடங்கிய ஒரு சில நிமிடங்களிலேயே தொடர் அமளி காரணமாக 4வது நாளும் மக்களவை மாநிலங்களவை இரண்டும் முடங்கியது.

நாள் முழுவதும் முடக்கம் :

அதனை தொடர்ந்து, மக்களவை தலைவர் ஓம் பிர்லா, மாநிலங்களவை தலைவர் ஜகதீப் தன்கர் இருவரும் நாடாளுமன்ற மக்களவை, மாநிலங்களவை என இரு அவைகளும் நாள் முழுதுவம் ஒத்திவைக்கப்படுவதாக அறிவித்து விட்டனர்.

5வது நாள் :

இதனை தொடர்ந்து நாளை 5வது நாள் நாடாளுமன்றம் தொடங்க உள்ளது. நாளையாவது முறையாக ஏதேனும் விவாதங்கள் நடைபெறுமா என்பதை பொறுத்திருந்து பார்க்கலாம்.