MIvsGG : ஹர்மன்பிரீத் கவுர் அசத்தல்..! 8 விக்கெட் இழப்பிற்கு 162 ரன்களை குவித்தது மும்பை அணி..!

by செந்தில்குமார்Posted on March 14, 2023

குஜராத் ஜெயண்ட்ஸ் அணிக்கு எதிராக முதலில் பேட் செய்த மும்பை இந்தியன்ஸ் அணி 162 ரன்கள் குவித்துள்ளது.

மகளிர் ஐபிஎல் தொடரின் 12-வது போட்டியில் மும்பை இந்தியன்ஸ் பெண்கள் மற்றும் குஜராத் ஜெயண்ட்ஸ் அணிகள் விளையாடி வருகின்றன அணிகள் இன்று பலப்பரீட்சை செய்யவுள்ளன. இதில் டாஸ் வென்ற குஜராத் அணி, மும்பை அணிக்கு எதிராக பந்துவீச்சை தேர்வு செய்தது. இதன்படி முதலில் களமிறங்கிய மும்பை அணி, 20 ஓவர்களில் 8 விக்கெட்டுகளை இழந்து 162 ரன்கள் எடுத்துள்ளது.

மும்பை இந்தியன்ஸ் அணியில் ஹர்மன்பிரீத் கவுர் அரைசதம் அடித்து அசத்தினார். அதிகபட்சமாக ஹர்மன்பிரீத் கவுர் 51 ரன்களும், யாஸ்திகா பாட்டியா 44 ரன்களும், நாட் ஸ்கிவர்-ப்ரண்ட் 36 ரன்களும் குவித்துள்ளனர். குஜராத் ஜெயண்ட்ஸ் அணியில் கார்ட்னர் 3 விக்கெட்டுகளை வீழ்த்தியுள்ளார். குஜராத் ஜெயண்ட்ஸ் அணி வெற்றி பெற 163 ரன்கள் இலக்காக நிர்ணயிக்கப்பட்டுள்ளது.