இந்தியாவில் ஏற்படும் மொத்த உயிரிழப்புகளில் 28.1% பேர் மாரடைப்பால் தான் உயிரிழப்பு..! – மத்திய சுகாதார அமைச்சகம்

இந்தியாவில் ஏற்படும் மொத்த உயிரிழப்புகளில் 28.1% பேர் மாரடைப்பால் மரணமடைவதாக மாநிலங்களவையில் தகவல். 

இந்தியாவில் ஏற்படும் மொத்த உயிரிழப்புகளில் 28.1% பேர் மாரடைப்பால் மரணமடைவதாக மாநிலங்களவையில் சுகாதாரத்துறை அமைச்சகம் அதிர்ச்சி தகவலை வெளியிட்டுள்ளது.

ஐ.சி.எம்.ஆர் ஆய்வு அறிக்கைகளின் படி, 1990ல் மாரடைப்பால் இறப்போர் 15.2%ஆக இருந்த நிலையில் 2023ல் 28.1%ஆக உயர்ந்துள்ளதாக தெரிவிக்கப்பட்டுள்ள்ளது.

தினசரி புகை பிடிப்பவர்களில் 32.8% பேருக்கும்,  மதுப் பழக்கம் உள்ளவர்களில் 15.9% பேருக்கும்,  போதிய உடல் உழைப்பு இல்லாத 41.3% பேருக்கும், போதுமான காய்கறிகள் மற்றும் பழங்கள் உணவில் சேர்த்துக் கொள்ளாத 98.4% பேருக்கும் இருதய நோய் ஏற்படலாம் என தகவல் அளிக்கப்பட்டுள்ளது.