திருப்பதியில் இனி லட்டுகளை கொண்டு செல்ல பனை ஓலைப்பெட்டிகள் விற்க முடிவு.!

திருப்பதியில் லட்டுகளைக் கொண்டுசெல்ல பனை, தென்னை ஓலைப்பெட்டிகள் விற்பனை செய்ய முடிவு.

திருப்பதி ஏழுமலையானை தரிசனம் செய்ய நாள்தோறும் மக்கள் கூட்டம் கூட்டமாக செல்வது வாடிக்கை. திருப்பதிக்கு சென்றாலே லட்டு வாங்காமல் பக்தர்கள் திரும்ப வருவதில்லை, திருப்பதி என்றதும் முதலில் நினைவுக்கு வருவது லட்டு என்றே கூறலாம். அந்த அளவிற்கு பக்தர்கள் திருப்பதியில் வழங்கப்படும் லட்டு பிரசாதத்தின் மீது பிரியமுடன் வாங்கிச்செல்கின்றனர்.

திருப்பதி தேவஸ்தானத்தில் இனி லட்டுகளை வழங்குவதற்கு, பனை மற்றும் தென்னை ஓலைப்பெட்டிகளை விற்பனை செய்யவுள்ளதாக தகவல் வெளியாகியுள்ளது. சுற்றுசூழலை காக்கவும், கிராமப்புற தொழில்களை அதிகரிக்கவும் இத்தகைய பனை மற்றும் தென்னை ஓலைப்பெட்டிகள் விற்க முடிவு செய்யப்பட்டுள்ளது.

பனை, தென்னை ஓலைப்பெட்டிகள் ஒவ்வொரு அளவிலும் ரூ.10, ரூ.15, மற்றும் ரூ.20 விலைகளில் தனி கவுண்டர்கள் அமைத்து விற்க முடிவு செய்யப்பட்டுள்ளதாக தகவல்கள் தெரிவிக்கின்றன.