மேட்டூர் அணை ஜுன் 12ந் தேதி திறக்கப்படுவதை உறுதி செய்ய வேண்டும்!திமுக செயல் தலைவர் மு.க.ஸ்டாலின்

திமுக செயல் தலைவர் மு.க.ஸ்டாலின் ,காவிரி டெல்டா பாசனத்திற்காக வரும் 12ஆம் தேதி மேட்டூர் அணை திறக்கப்படுவதை, மத்திய, மாநில அரசுகள் உறுதி செய்ய வேண்டும் என வலியுறுத்தியுள்ளார்.

இது தொடர்பாக அவர் வெளியிட்டுள்ள அறிக்கையில், உச்சநீதிமன்றம் உத்தரவிட்டு, 104 நாட்கள் கடந்துவிட்ட நிலையில், காவிரி நதிநீர் மேலாண்மை ஆணையம் குறித்த உத்தரவு அரசிதழில் வெளியிட்டிருப்பது ஓரளவு ஆறுதல் தருவதாக கூறியுள்ளார்.

உச்சநீதிமன்ற உத்தரவுப்படி, ஜூன் 1ஆம் தேதிக்குள் தலைவர், உறுப்பினர்கள் யார், யார் என்ற விவரத்துடன் முழுமையான காவிரி மேலாண்மை ஆணையத்தை அமைத்திருக்க வேண்டும் என்று மு.க.ஸ்டாலின் கூறியுள்ளார்.

ஆனால், இறுதி வரைவுதிட்டத்தின் அடிப்படையில் காவிரி நதிநீர் மேலாண்மை ஆணையம் அமைக்கப்படும் என்று மட்டுமே அரசிதழில் வெளியாகியிருப்பதாகவும் அவர் தெரிவித்துள்ளார்.

காவிரி மேலாண்மை ஆணையம் அமைக்கும் உத்தரவு அரசிதழில் வெளியானது தமிழக மக்களுக்கு கிடைத்த முதல் வெற்றி என்றும், வரும் 12ஆம் தேதி குறுவை பாசனத்திற்கு மேட்டூர் அணையில் இருந்து தண்ணீர் திறந்துவிட்டால், ஓரளவேனும் மனநிறைவு ஏற்படும் என்றும் கூறியுள்ளார்.

மேலும் செய்திகளுக்கு தினச்சுவடுடன் இணைந்திருங்கள்.