காலா திரைப்படத்தை வெளியிடுவதற்கு எதிர்ப்பு! பெங்களூருவில் போராட்டம்..!

ரஜினியின் காலா திரைப்படத்தை வெளியிடுவதற்கு எதிர்ப்பு தெரிவித்து பெங்களூருவில் போராட்டம் நடைபெற்றது.

உச்சநீதிமன்ற உத்தரவுப்படி காவிரி மேலாண்மை வாரியம் அமைக்கப்படவேண்டும் என்று ரஜினி கூறியதற்கு கன்னட அமைப்புகள் எதிர்ப்பு தெரிவித்தன. இந்நிலையில் ரஜினி நடித்துள்ள காலா திரைப்படம் வரும் 7-ஆம் தேதி வெளியிடப்படவுள்ளது.

கர்நாடக மாநிலத்தில் படத்தை வெளியிட்டால் கடும் விளைவுகளை சந்திக்க வேண்டியிருக்கும் என்று கன்னட அமைப்புகள் எச்சரித்துள்ள நிலையில் படக் குழுவினர் சார்பில் திரைப்படத்தை வெளியிடுவதற்கான முயற்சிகளும் மேற்கொள்ளப்பட்டுள்ளன. இந்நிலையில் காலா படத்துக்கு எதிராக பெங்களூருவில் கன்னட ரக் ஷண வேதிகே அமைப்பின் சார்பில் போராட்டம் நடைபெற்றது.

போராட்டத்தில் ஈடுபட்டவர்கள் பின்னர் கைது செய்யப்பட்டு வாகனத்தில் ஏற்றி அழைத்துச் செல்லப்பட்டனர்.