தமிழகத்தில் வட மாநிலத் தொழிலாளர்களுக்கு அச்சுறுத்தல் இல்லை-அமைச்சர் சி.வெ.கணேசன்.!

தமிழகத்தில் வடமாநிலத் தொழிலாளர்களுக்கு எந்தவித அச்சுறுத்தலும் இல்லை என சி.வெ.கணேசன் தெரிவித்துள்ளார்.

தமிழகத்தில் வடமாநிலத் தொழிலாளர்கள் தாக்கப்படுவதாக வெளிவந்த தகவலை அடுத்து அதற்கு பதிலளித்த தமிழக தொழிலாளர்நலத்துறை அமைச்சர் சி.வெ.கணேசன் அறிக்கை வெளியிட்டுள்ளார். அவர் கூறியதாவது, தமிழகத்தில் வெளிமாநிலத் தொழிலாளர்களுக்கு எந்தவித அச்சுறுத்தலும் இல்லை, அவர்கள் சிறப்பாக பயமின்றி பணியாற்றி வருகின்றனர்.

சமூக வலைதளங்களில் சிலர் தவறாக தகவல்கள் பரப்பி வருகின்றனர். அதில் எவ்வித உண்மை இல்லை. வெளிமாநிலங்களிலிருந்து தொழிலாளர்கள் பலர் வந்து இங்கே அமைதியான முறையில் பணிபுரிந்து வருகின்றனர். அவர்கள் இம்மாநில வளர்ச்சிக்கு பெரும் பங்காற்றி வருகின்றனர் என்று கூறிய அமைச்சர் சி.வி.கணேசன், தவறான தகவல் பரப்புவோர் மீது உரிய நடவடிக்கை எடுக்கப்படும் என்று தெரிவித்துள்ளார்.