#BREAKING: ஈரோடு இடைத்தேர்தல் – வாக்குப்பதிவு நேரம் நிறைவு!

ஈரோடு கிழக்கு தொகுதி இடைத்தேர்தலில் இன்று காலை 7 மணிக்கு தொடங்கிய வாக்குப்பதிவு மாலை 6 மணியுடன் நிறைவு.

ஈரோடு கிழக்கு தொகுதி இடைத்தேர்தலுக்கான வாக்குப்பதிவு நிறைவு பெற்றது. இடைத்தேர்தலில் இன்று காலை 7 மணிக்கு தொடங்கிய வாக்குப்பதிவு மாலை 6 மணியுடன் நிறைவு பெற்றது. மாலை 6 மணியுடன் வாக்குப்பதிவு நிறைவடைந்த நிலையில், இதற்கு மேல் வாக்காளர்கள் வர அனுமதி இல்லை. மாலை 6 மணிக்குள் வாக்குசாவடிகளுக்கு வந்தவர்களுக்கு டோக்கன் வழங்கப்பட்டு வாக்களிக்கின்றனர்.

6 மணி முன் வரிசையில் வந்து நிற்பவர்களுக்கு டோக்கன் வழங்கப்பட்டு வாக்களிக்க ஏற்பாடு செய்யப்பட்டுள்ளது. 33 பதற்றமான வாக்குச்சாவடிகள் உள்பட 238 வாக்குச்சாவடி மையங்களில் வாக்குப்பதிவு நடைபெற்றது. வாக்காளர்கள் யாரும் காத்திருக்காத வாக்குச்சாவடிகளில் மின்னணு இயந்திரங்களுக்கு சீல் வைக்கும் நடவடிக்கை மேற்கொண்டு வருகிறது தேர்தல் ஆணையம்.

மாலை 5 மணி நிலவரப்படி, ஈரோடு கிழக்கு தொகுதி இடைத்தேர்தலில் 70.58% வாக்குகள் பதிவாகியுள்ளன. எனவே, ஈரோடு கிழக்கு தொகுதி இடைஇத்தேர்தலுக்கான வாக்குப்பதிவு அமைதியாக நடந்து முடிந்தது.