ரூ.1,136 கோடியில் 44 புதிய மருத்துவமனைகள்! புதிய திட்டங்களை நாளை தொடங்கி வைக்கிறார் முதல்வர்!

அண்ணா நூற்றாண்டு நூலக அரங்கில் நாளை நடைபெறும் விழாவில் புதிய திட்டங்களை தொடங்கி வைக்கிறார் முதலமைச்சர்.

சென்னையில் நாளை ஏற்றமிகு 7 திட்டங்களின் கீழ் புதிய திட்டங்களை தொடங்கி வைக்கிறார் முதலமைச்சர் மு.க.ஸ்டாலின். சென்னை அண்ணா நூற்றாண்டு நூலக அரங்கில் நடைபெறும் விழாவில், திருநங்கைகளுக்கு மாத உதவித்தொகை உயர்வு, மாற்றுத்திறனாளிகளுக்கு முன்னுரிமை பட்டா வழங்கும் விழா நடைபெறுகிறது.

அதனபடி, அண்ணா நூற்றாண்டு நூலக அரங்கில் நாளை நடைபெறும் விழாவில் புதிய திட்டங்களை முதலமைச்சர் தொடங்கி வைக்கிறார். காலை உணவுத் திட்டம் மாநிலத்தின் பல்வேறு பகுதிகளுக்கு விரிவாக்கம் செய்யும் திட்டம் தொடங்கி வைக்கப்படுகிறது. நகராட்சி நிர்வாகத்துறை மூலம் தூய்மை பணியாளர்களை தொழில் முனைவோர்களாக மாற்ற புரிந்துணர்வு ஒப்பந்தம் கையெழுத்தாகிறது.

சமூக நலத்துறை சார்பில் சிறப்பு ஊட்டச்சத்து வழங்கும் திட்டம், ரூ.1,136 கோடியில் 44 புதிய மருத்துவமனைகளுக்கு முதலமைச்சர் மு.க.ஸ்டாலின் நாளை அடிக்கல் நாட்டுகிறார். மேலும், பணி நியமன ஆணைகளையும் வழங்குகிறார்.