இன்று முதல் 27 வரை… அனைத்து டாஸ்மாக் கடைகளுக்கும் விடுமுறை!

இன்று முதல் 27-ஆம் தேதி வரை டாஸ்மாக் கடைகள் இயங்காது என மாவட்ட ஆட்சியர் அறிவிப்பு.

வாக்கு சேகரிப்பு தீவிரம்:

ஈரோடு கிழக்கு சட்டமன்ற தொகுதி இடைத்தேர்தல் நாளை மறுநாள் நடைபெற உள்ள நிலையில், தேர்தல் களம் களை கட்டியுள்ளது. பிரதான அரசியல் கட்சிகள் தங்களது வேட்பாளருக்கு ஆதரவு கேட்டு பிரச்சாரத்தில் ஈடுபட்டு வருகின்றனர். தேர்தல் களம் பரபரப்பாக காணப்படுவதோடு, வாக்கு சேகரிப்பு தீவிரப்படுத்தப்பட்டுள்ளது.

இன்றுடன் பிரச்சாரம் நிறைவு:

இந்த சமயத்தில் ஈரோடு கிழக்கு இடைத்தேர்தலின் தேர்தல் பிரச்சாரம் இன்றுடன் நிறைவு பெறுகிறது. அதன்படி, அனைத்து கட்சி மற்றும் நட்சத்திர பேச்சாளர்களும் தங்கள் பிரச்சாரத்தை நிறுத்திவிட்டு, மாலை 6 மணிக்குள் அனைவரும் வெளியேற வேண்டும் என்றும் 6 மணிக்கு மேல் வெளியூர் நபர்கள் யாரும் தேர்தல் நடைபெறும் தொகுதியில் இருக்க கூடாது என அறிவுறுத்தப்பட்டுள்ள்ளது.

டாஸ்மாக் கடைகளுக்கும் விடுமுறை:

இந்த நிலையில், ஈரோடு கிழக்கு தொகுதி இடைத்தேர்தல் நடைபெறும் பகுதியை சுற்றியுள்ள அனைத்து டாஸ்மாக் கடைகளுக்கும் விடுமுறை அளிக்கப்பட்டுள்ளது. அதன்படி, இன்று முதல் 27-ஆம் தேதி வரை டாஸ்மாக் கடைகள் இயங்காது என அம்மாவட்ட ஆட்சியர் அறிவித்துள்ளார்.

கடும் நடவடிக்கை:

வாக்கு எண்ணிக்கை நடைபெறும் மார்ச் 2-ஆம் தேதி வாக்கு எண்ணும் மையத்தை சுற்றியுள்ள பகுதிகளில் டாஸ்மாக் இயங்காது என தெரிவிக்கப்பட்டுள்ளது. விடுமுறை நாட்களில் சட்டவிரோத மது விற்பனையில் ஈடுபட்டால் கடும் நடவடிக்கை எடுக்கப்படும் என ஆட்சியர் எச்சரிக்கை விடுத்துள்ளார்.