மற்ற கட்சியினரை விட அதிகமாக ‘இதனை’ செய்ய வேண்டும்.! தொண்டர்களுக்கு வேண்டுகோள் வைத்த கமல்ஹாசன்.!

மக்கள் நீதி மய்ய கட்சியின் 6ஆம் ஆண்டு தொடக்க விழாவை முன்னிட்டு அனைத்து ஊர்களிலும் கட்சி கொடியை பறக்க விட வேண்டும் என அக்கட்சி தலைவர் கமல்ஹாசன் தொண்டர்களுக்கு வேண்டுகோள் விடுத்துள்ளார். 

நடிகர் கமல்ஹாசன் 2018ஆம் ஆண்டு பிப்ரவரி 21ஆம் தேதி மக்கள் நீதி மய்யம் எனும் கட்சியை தொடங்கி அதன் பிறகு அரசியல் – சினிமா என இரண்டு பாதைகளிலும் சரி சமமாக பயணித்து வருகிறார்.  தற்போது அவர் இந்தியன் 2ஆம் பாகம் படத்திலும் நடித்து வருகிறார் அதே போல தேர்தல் பணிகளிலும் ஈடுபட்டு வருகிறார்.

6வது ஆண்டு : நாளை (பிப்ரவரி 21) கமல்ஹாசன் தொடங்கிய மக்கள் நீதி மய்ய கட்சி 5ஆண்டுகள் நிறைவு பெற்று 6வது ஆண்டில் அடியெடுத்து வைக்கிறது. இதனை முன்னிட்டு தனது கட்சி தொண்டர்களுக்கு அன்பு கட்டளையிட்டு உள்ளார் கட்சி தலைவர் கமல்ஹாசன்.

கட்சி கொடி : அதில், ‘ அனைத்து நகரங்கள் மட்டுமின்றி , அனைத்து கிராமங்களிலும் நமது கட்சி கொடியை ஏற்ற வேண்டும். ‘ என குறிப்பிட்டுள்ளார். மேலும், மற்ற கட்சியினரை விட அதிகமான இடங்களில் மக்கள் நீதி மய்ய கட்சி  கொடியை பறக்க விட வேண்டும். மேலும் எல்லோர் (தொண்டர்கள்) வீட்டிலும் கட்சி கொடியை பறக்கவிட வேண்டும் என கூறியுள்ளார் மக்கள் நீதி மய்ய கட்சி தலைவர் கமல்ஹாசன்.