அதிமுக 4 துண்டுகளாக உடைந்ததுக்கு காரணம் மோடி அரசு தான்.! திருமாவளவன் குற்றசாட்டு.!

இரட்டை இலை சின்னமானது எடப்பாடி பழனிசாமி அணிக்கு கிடைப்பதற்கு பிரதமர் மோடி தான் காரணம் எனவும், அதற்கு காரணம் வரும் நாடாளுமன்ற தேர்தல் தான். – திருமாவளவன் விமர்சனம். 

முன்னாள் முதல்வர் ஜெயலலிதா மறைவுக்கு பின்னர் அதிமுக கட்சியானது பல்வேறு சிக்கல்கள் பிரிவுகளை சந்தித்து ஒன்றாக இருந்த எடப்பாடி பழனிசாமி , ஓ,பன்னீர்செல்வம், டிடிவி.தினகரன், சசிகலா எல்லாம் இப்போது தனி தனி பிரிவுகளாக இருக்கிறது. இப்போதைக்கு அதிமுக கட்சி முக்கிய பொறுப்புகளும், இரட்டை இலை சின்னமும் எடப்பாடி பழனிசாமி வசம் தான் இருக்கிறது.

அதிமுக 4 அணி : இந்த அதிமுக விவகாரம் குறித்து விடுதலை சிறுத்தைகள் கட்சி தலைவர் திருமாவளவன் தனது கருத்துக்களை தெரிவித்துள்ளார். அவர், கிருஷ்ணகிரி, தேன்கனிகோட்டையில் செய்தியாளர்களை சந்தித்து பேசுகையில், அதிமுக 4 அணிகளாக உடைவதற்கு மோடி அரசு தான் காரணம் என குற்றம் சாட்டினார்.

நாடாளுமன்ற தேர்தல்  : மேலும், இரட்டை இலை சின்னமானது எடப்பாடி பழனிசாமி அணிக்கு கிடைப்பதற்கு பிரதமர் மோடி தான் காரணம் எனவும், அதற்கு காரணம் வரும் நாடாளுமன்ற தேர்தல் தான் எனவும் அவர் குறிப்பிட்டார். அடுத்து ஈரோடு கிழக்கு தொகுதி இடைத்தேர்தல் பற்றி பேசுகையில், திமுக கூட்டணி வேட்பாளர் இவிகேஎஸ்.இளங்கோவன் தான் வெற்றிபெறுவார் என நம்பிக்கையுடன் தெரிவித்தார்.

பலமில்லா எதிர்கட்சி : இவிகேஎஸ்.இளங்கோவன் 50 ஆயிரம் வாக்கு வித்தியாசத்தில் வெற்றி பெறுவார் எனவும், இரட்டை இலை எனும் சின்னத்தை சாதமாக வைத்து கூட அதிமுக பலமான எதிர்க்கட்சியாக களத்தில் இல்லை என திருமாவளவன் செய்தியாளர்கள் சந்திப்பில் குறிப்பிட்டார்.