3-வது முறையாக உலகின் முன்னணி கார் விற்பனை நிறுவனம்! டொயோட்டா.!

டொயோட்டா நிறுவனம் மூன்றாவது முறையாக உலகின் முன்னணி கார் விற்பனை நிறுவனம் என்ற இடத்தை தக்க வைத்துள்ளது.

ஜப்பானை தளமாகக் கொண்ட பிரபல கார் உற்பத்தி நிறுவனமான டொயோட்டோ மோட்டார், உலகின் முன்னணி கார் உற்பத்தி மற்றும் விற்பனை நிறுவனமாக திகழ்ந்து வருகிறது. இந்த டொயோட்டோ நிறுவனம் கடந்த 2022 ஆம் ஆண்டு கார் விற்பனையிலும் உலகின் நம்பர் 1 இடத்தை பிடித்துள்ளது. மேலும் தொடர்ந்து மூன்றாவது முறையாக, அதிக கார்களை விற்பனை செய்து டொயோட்டோ நிறுவனம் முன்னணியில் இருக்கிறது.

இந்நிறுவனம் 2022 ஆம் ஆண்டில் 10.5 மில்லியன் வாகனங்களை விற்று முதலிடத்தில் நீடிக்கிறது. டொயோட்டாவைத் தொடர்ந்து ஃபோக்ஸ்வேகன் நிறுவனம், 8.3 மில்லியன் வாகனங்களை விற்றுள்ளது. இது கடந்த பத்தாண்டுகளில் ஃபோக்ஸ்வேகன் நிறுவனத்தின் மிகக் குறைந்த விற்பனையாக பதிவாகியுள்ளது. மேலும் நடப்பு நிதியாண்டில் மார்ச் இறுதி வரையிலான, டொயோட்டாவின் உற்பத்தி 9.2 மில்லியன் வாகனங்கள் என நிர்ணயிக்கப்பட்டுள்ளது.