டெஸ்லாவின் தானியங்கி கார் காவல்துறை வாகனம் மோதல் ! அமெரிக்காவில் பரபரப்பு..!

அமெரிக்காவின் கலிஃபோர்னியா மாகாணத்தில் டெஸ்லாவின் தானியங்கி கார் காவல்துறை வாகனத்தில் மோதி விபத்துக்குள்ளானது. லகுனா பீச் ((Laguna beach)) எனும் இத்தில் காரை தானியங்கி மோடில் இயங்குமாறு செய்துவிட்டு ஓட்டுநர் அமர்ந்திருந்ததாக கூறப்படுகிறது.

இந்நிலையில் சாலையோரமாக நிறுத்தப்பட்டிருந்த காவல்துறை வாகனத்தில் டெஸ்லா கார் மோதியது. இதில் சாலையில் நின்ற காவல்துறை வாகனம் நடைபாதை மீது தள்ளப்பட்டது. இந்த விபத்தில் டெஸ்லா காரில் இருந்த ஓட்டுநர் லேசான காயம் அடைந்தார்.

அண்மையில் டெஸ்லா தானியங்கிக் கார்கள் விபத்தை ஏற்படுத்திய நிலையில், மீண்டும் விபத்து ஏற்பட்டுள்ளது. இதனால் ஓட்டுநர்கள் தானியங்கி முறையை முழுமையாக நம்பவேண்டாம் என்று டெஸ்லா நிறுவனம் கேட்டுக்கொண்டுள்ளது.