நாளை ஐஎன்எக்ஸ் மீடியா வழக்கில் நேரில் ஆஜராக ப.சிதம்பரத்திற்கு சி.பி.ஐ சம்மன்!

டெல்லி உயர்நீதிமன்றத்தில்  ஐஎன்எக்ஸ் மீடியா வழக்கில் முன்ஜாமீன்கோரி ப.சிதம்பரம் மனு தாக்கல் செய்துள்ள நிலையில், விசாரணைக்கு நாளை ஆஜராகுமாறு அவருக்கு சிபிஐ சம்மன் அனுப்பியுள்ளது.

2007ஆம் ஆண்டு ஐஎன்எக்ஸ் மீடியாவுக்கு வெளிநாட்டு முதலீட்டைப் பெறுவதற்கான அனுமதி வழங்கியதற்குக் கைம்மாறாக அப்போதைய மத்திய நிதியமைச்சர் ப.சிதம்பரத்தின் மகன் கார்த்திக்குச் சொந்தமான நிறுவனத்துக்கு மூன்றரைக் கோடி ரூபாய் பணம் செலுத்தியதாகக் குற்றஞ்சாட்டப்பட்டுள்ளது.

இது தொடர்பாக சிபிஐ விசாரித்து வரும் நிலையில் இந்த வழக்கில் முன்ஜாமீன் கோரி ப.சிதம்பரம் டெல்லி உயர்நீதிமன்றத்தில் மனு தாக்கல் செய்துள்ளார். இந்நிலையில் விசாரணைக்காக நாளை ஆஜராகுமாறு ப.சிதம்பரத்துக்கு சிபிஐ சம்மன் அனுப்பியுள்ளது.

நாளை விசாரணைக்கு ஆஜராகுமாறு ப.சிதம்பரத்துக்கு சிபிஐ சம்மன்)) முன்னதாக ஏர்செல் மேக்சிஸ் வழக்கில் முன்ஜாமீன் கோரி ப.சிதம்பரம் டெல்லி பட்டியாலா அவுஸ் நீதிமன்றத்தில் மனு தாக்கல் செய்தார். இந்த மனுவை விசாரித்த நீதிபதி ஜூன் ஐந்தாம் தேதிக்குள் பதிலளிக்க அமலாக்கத்துறைக்கு உத்தரவிட்டது.

அதுவரை ப.சிதம்பரத்தைக் கைது செய்யவும் நீதிமன்றம் தடை விதித்தது. ஜூன் ஐந்தாம் தேதிக்குள் அமலாக்கத்துறையிடம் ஆஜராகுமாறும் ப.சிதம்பரத்துக்கு நீதிமன்றம் அறிவுறுத்தியது.

மேலும் செய்திகளுக்கு தினச்சுவடுடன் இணைந்திருங்கள்.