INDvsSL ODISERIES: இந்திய அணி 101 ரன்களுக்கு, 4 விக்கெட்களை இழந்தது.!

இந்தியா-இலங்கை இடையேயான இரண்டாவது ஒருநாள் போட்டியில் இந்திய அணி, 4 விக்கெட்களை இழந்து 101 ரன்கள் குவிப்பு.

இந்தியா-இலங்கை அணிகள் இடையேயான இரண்டாவது ஒருநாள் போட்டியில், டாஸ் வென்று முதலில் பேட்டிங் செய்த இலங்கை அணி 215 ரன்களுக்கு ஆல்-அவுட் ஆனது. 216 ரன்கள் வெற்றி இலக்குடன் களமிறங்கிய இந்திய அணியில், தொடக்க ஆட்டக்காரர்களான ரோஹித் (17 ரன்கள்) மற்றும் ஷுப்மன் கில் (21 ரன்கள்) எடுத்து ஆட்டமிழந்தனர்.

இதனையடுத்து இறங்கிய விராட் கோலி, 4 ரன்களுக்கு அவுட் ஆக ஷ்ரேயஸ் ஐயர் ஓரளவு நிலைத்து நின்று விளையாடினார், அவர் 28 ரன்கள் எடுத்த போது ரஜிதா பந்தில் ஆட்டமிழந்தார். தற்போது ஹர்டிக் (7 ரன்கள்) மற்றும் ராகுல் (15 ரன்கள்) இருவரும் விளையாடி வருகின்றனர்.

20 ஓவர்கள் வரை இந்திய அணி 4 விக்கெட்களை இழந்து 101 ரன்கள் குவித்துள்ளது. இந்தியா வெற்றி பெற 30 ஓவர்களில் இன்னும் 115 ரன்கள் தேவைப்படுகிறது. இலங்கை அணி சார்பில், லாஹிரு குமாரா 2 விக்கெட்களை வீழ்த்தியுள்ளார்.