நான் ஏன் மன்னிப்பு கேட்க வேண்டும்.? ஸ்மிருதி இரானி பற்றிய கருத்து.! காங்கிரஸ் தலைவர் விளக்கம்.!

மத்திய அமைச்சர் ஸ்மிருதி இரானி பற்றி நான் தவறாக பேசவில்லை. தவறான வார்த்தை உபயோகிக்கவில்லை. அதனால் மன்னிப்பு கேட்க முடியாது என காங்கிரஸ் தலைவர் அஜய் ராய் கூறியுள்ளார். 

மத்திய அமைச்சர் ஸ்மிருதி இரானி பற்றி உத்திர பிரதேச காங்கிரஸ் தலைவர்களுல் ஒருவரான அஜய் ராய் கூறுகையில், உ.பியில் உள்ள ஆமோதி தொகுதியில் போட்டியிடுவாரா என கேட்டுவிட்டு, ‘லட்கா-ஜட்கா’ (பயந்து போதல் என பொருள் படும் வழக்காடு சொல்) என கூறிவிட்டார்.

இது பாஜகவினர் மத்தியில் பேசு பொருளாக மாறியது. இது குறித்து பலர் தங்கள் எதிர்ப்பை கூறினர். மேலும், பாஜகவினர் அஜய் ராய் கூறிய கருத்துக்களுக்கு மன்னிப்பு கேட்க வேண்டும் என கோரினர்.

இதற்கு அஜய் ராய் தரப்பு பதில் கூறப்பட்டுள்ளது. லட்கா-ஜட்கா எனும் வார்த்தை தவறான வார்த்தை இல்லை. பாராளுமன்றத்தில் தடை செய்யப்பட்ட வார்த்தை இல்லை. அது எங்கள் பகுதியில் சகஜமாக புழக்கத்தில் இருக்கும் வழக்காடு சொல். அதனால் ஏன் மன்னிப்பு கேட்க வேண்டும் என கேட்டுள்ளனர்.