இந்திய ரசிகருக்கு நன்றி கூறிய நெய்மர்! இன்ஸ்டாவில் உருக்கத்துடன் வெளியிட்ட பதிவு.!

by Muthu KumarPosted on December 17, 2022

பிரேசிலின் நெய்மர் இந்தியாவிலுள்ள தனது ரசிகர்களுக்கு நன்றி தெரிவித்து இன்ஸ்டாகிராமில் பதிவிட்டுள்ளார்.

கத்தாரில் நடந்து வரும் ஃபிஃபா கால்பந்து உலகக்கோப்பை தொடரில் இருந்து பிரேசில் வெளியேறிய பிறகு, அந்த அணியின் நெய்மர் உலகெங்கும் உள்ள பிரேசில் அணியின் ரசிகர்களுக்கு நன்றி தெரிவித்து வருகிறார். இந்த நிலையில் இந்தியாவின் கேரளாவில், உள்ள கால்பந்து ரசிகர்கள் தங்களுக்கு பிடித்த அணிகளுக்கு ஆதரவை தெரிவித்து வருகின்றனர்.

ஆனால் இந்தமுறை கேரள ரசிகர்கள், செய்த செயல் உலககால்பந்து ரசிகர்களால் கவனம் ஈர்க்கப்பட்டது. நட்சத்திர கால்பந்து வீரர்களான ரொனால்டோ, மெஸ்ஸி, நெய்மர் ஆகியோருக்கு கட்-அவுட் வைத்து தங்களது ஆதரவை தெரிவித்தனர்.

நெய்மர் இந்தியாவின் கேரளாவில் உள்ள ரசிகர்களுக்கு நன்றி தெரிவித்து இன்ஸ்டாவில் பதிவிட்டுள்ளார். இதேபோன்று நெய்மருக்கு வைக்கப்பட்ட கட்-அவுட்டை ரசிகர் ஒருவர் குழந்தையை தோள்மீது வைத்து பார்க்கும் படத்தைப் பகிர்ந்து “நன்றி கேரளா,இந்தியா” என்று பதிவிட்டுள்ளார்.