கதவை திறக்க சொன்னார் இயேசு… 37000 அடி உயர விமானத்தில் அமெரிக்க பெண் செய்த அதிர்ச்சி சம்பவம்.!

அமெரிக்க விமானத்தில் 37000 அடி உயரத்தில் விமானம் பறக்கும் போது ஒரு பெண் பக்கவாட்டு கதவை திறக்க முயற்சித்துள்ளது.

அமெரிக்காவின், ஹூஸ்டன்-கொலம்பஸ் சவுத்வெஸ்ட் ஏர்லைன்ஸ் விமானத்தில், விமானம் பறந்து கொண்டிருக்கும் போது ஒரு பெண் அவரது இருக்கைக்கு பக்கவாட்டு கதவை திறக்க முயன்றதால் பரபரப்பு ஏற்பட்டது. உடனே அங்குள்ள பணியாட்களால் அப்பெண் தடுத்த நிறுத்தப்பட்டு காவல்துறை வசம் ஒப்படைக்கப்பட்டார்.

ஹூஸ்டன்-கொலம்பஸ் சவுத்வெஸ்ட் ஏர்லைன்ஸ் விமானமானது 37,000 அடி உயரத்தில் பறந்து கொண்டிருக்கும் போது, லோம் அக்பெக்னினோ என்ற பெண் பயணி தனது பக்கவாட்டு கதவை திடீரென திறக்க முற்பட்டார்.

உடனடியாக, அந்த பெண் விமான பயணிகளால் தடுத்த நிறுத்தப்பட்டு, ஆர்கன்சாஸின் கிழக்கு மாவட்டத்திற்கான அமெரிக்க மாவட்ட நீதிமன்றத்தில் ஆஜர்படுத்தப்பட்டார்.

அப்போது அந்த லோம் அக்பெக்னினோ பெண் நீதிமன்றத்தில், ‘ இயேசு கூறினார் அதனால் தான் நான் கதவை திறக்க முயற்சித்தேன்.’ என கூறி நீதிமன்றத்தை அதிர வைத்துள்ளார். தற்போது அந்த பெண்ணின் குற்றம் நிரூபிக்கப்பட்டு தண்டனை வழங்கப்பட்டுள்ளது.