துணிவு…வாரிசு…இரண்டு அப்டேட்டும் இனி ராக்ஸ்டார் கையில்…! ரசிகர்களுக்கு தரமான விருந்து ஆன் தி வே…

விஜய் நடித்து வரும் வாரிசு திரைப்படமும், அஜித் நடித்து வரும் துணிவு திரைப்படமும் அடுத்த ஆண்டு பொங்கல் பண்டிகையை முன்னிட்டு திரையரங்குகளில் வெளியாகவுள்ளது. இதில் வாரிசு திரைப்படத்தின் முதல் பாடலான ரஞ்சிதமே பாடல் தமன் இசையில் சமீபத்தில் வெளியாகி ரசிகர்களுக்கு மத்தியில் நல்ல வரவேற்ப்பை பெற்று வருகிறது.

இந்த பாடலை தொடர்ந்து அடுத்ததாக வாரிசு படத்தின் இரண்டாவது பாடல் விரைவில் வெளியாகவுள்ளது. அந்த பாடலை இசையமைப்பாளர் அனிருத் பாடியுள்ளார். அதைப்போல அஜித் நடித்து வரும் துணிவு படத்தின் முதல் பாடலையும் அனிருத் தான் ஜிப்ரான் இசையில் பாடியுள்ளார்.

இதையும் படியுங்களேன்- நீங்கள் தமிழ் சினிமாவுக்கு கிடைத்த பொக்கிஷம்..! பெண்களை மையமாக வைத்து எடுக்கப்பட்ட டாப் 10 படங்கள்.!

எனவே இரண்டு பெரிய படங்களிலும் அனிருத் பாடியுள்ளதால் இந்த இரண்டு பாடல்கள் மீதும் பெரிய எதிர்பார்ப்பு எழுந்துள்ளது. இந்நிலையில், அந்த பாடல் எப்போதும் வெளியாகும் என்ற அகவல் கிடைத்துள்ளது.

அதன்படி, வாரிசு படத்தின் 2-வது பாடல் டிசம்பர் முதல் வாரத்தில் வெளியாகவுள்ளது. அதே நாளில் துணிவு படத்தின் முதல் பாடலான ‘சில்லா சில்லா’ பாடலும் வெளியாகவுள்ளதாக தகவல்கள் கசிந்துள்ளது. விரைவில் இதற்கான அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.