டில்லியாக மிரட்ட வரும் அஜய் தேவ்கன்… அனல் பறக்கும் பாலிவுட் கைதி டீசர்…

இயக்குனர் லோகேஷ் கனகராஜ் இயக்கத்தில் நடிகர் கார்த்தி நடிப்பில் வெளியான அதிரடி ஆக்சன் திரைப்படம் கைதி. இந்த படத்தில் நரேன், அர்ஜுன் தாஸ், தீனா உள்ளிட்ட பலரும் முக்கியமான கதாபாத்திரத்தில் நடித்திருந்தார்கள். படத்திற்கு இசையமைப்பாளர் சாம் சி.எஸ் இசையமைத்திருந்தார்.

ஒரே நாளில் நடக்கும் போதைப்பொருள் கடத்தல் சம்பவத்தை மையமாக வைத்து எடுக்கப்பட்ட இந்த திரைப்படம் 100 நாட்களுக்கு மேல் திரையரங்குகளில் ஓடி 100 கோடிகளுக்கு மேல் வசூல் செய்து கார்த்திக்கு மிக்பெரிய வெற்றிப்படமாக அமைந்தது.

தமிழில் இந்த படத்தின் வெற்றியை தொடர்ந்து தற்போது ஹிந்தியில் அஜய் தேவ்கன் இயக்கி அவரே நடித்துள்ளார். இந்த படத்திற்கு “போலா” என்று தலைப்பு வைக்கப்பட்டுள்ளது. தமிழில் இந்த திரைப்படத்தை தயாரித்த டிரீம் வாரியர்ஸ் பிக்சர்ஸ் நிறுவனம், அஜய் தேவ்கன் ஃபிலிம்ஸ் உடன் இணைந்து இந்த “போலா” படத்தை தயாரிக்கிறது.

இந்த திரைப்படத்திற்கு கேஜிஎப் படத்திற்கு இசையமைத்து பிரபலமான ரவி பஸ்ரூர்தான் இந்த படத்திற்கும் இசையமைத்துள்ளார். இந்நிலையில், தற்போது “போலா”  படத்திற்கான டீசர் வெளியாகியுள்ளது.  டீசரில் “கைதி” திரைப்படத்தில் இடம்பெறாத காட்சிகள் எல்லாம் ‘போலா’ டீசரில் வருகிறது. குறிப்பாக, சில காட்சிகளில் இந்து மத அடையாளங்கள் பயன்படுத்தப்பட்டுள்ளன. மேலும் இந்த திரைப்படம் அடுத்த ஆண்டு மார்ச் 30-ஆம் தேதி திரையரங்குகளில் வெளியாகவுள்ளது என்பது குறிப்பிடத்தக்கது.