T20 World Cup 2022: 4 வது முறையாக அரையிறுதிக்கு சென்ற இந்தியா; தென்னாபிரிக்காவை வெளியேற்றிய நெதர்லாந்து

ஆஸ்திரேலியாவில் நடைபெற்று வரும் டி20 உலக கோப்பை இறுதிக்கட்டத்தை நெருங்கியுள்ளது.ஏ பிரிவில் உள்ள  நியூசிலாந்து மற்றும் இங்கிலாந்து அணிகள் ஏற்கனவே அரையிறுதிக்கு சென்றுவிட்டன நிலையில் இந்திய அணியும் இணைந்துள்ளது.

இன்று பி பிரிவில் மூன்று போட்டிகள் நடைபெற உள்ளது இதில் முதல் போட்டியானது தென்னாப்பிரிக்கா மற்றும் நெதர்லாந்துக்கு இடையே அடிலெய்டு ஓவல் மைதானத்தில் நடைபெற்றது.

போட்டியில் டாஸ் வென்ற தென்னாபிரிக்கா அணி முதலில் பந்துவீச்சை தேர்வு செய்தது இதனைத் தொடர்ந்து களமிறங்கிய நெதர்லாந்த அணி 20 ஓவர்கள் முடிவில் 4 விக்கெட் இழப்பிற்கு 158 ரன்கள் எடுத்தது.

இதனைத் தொடர்ந்து 159 என்ற இலக்குடன் களம் இறங்கிய தென் ஆப்பிரிக்கா அணி நிதான ஆட்டத்தை வெளிப்படுத்தினாலும் நெதர்லாந்து வீரர்களின் அற்புதமான பந்துவீச்சால் 20 ஓவர்கள் முடிவில் 8 விக்கெட் இழப்பிற்கு 145 ரன்களை மட்டும் எடுத்து நெதர்லாந்து அணியிடம் அரையிறுதி கனவை இழந்தது.இறுதியில் நெதர்லாந்து அணி 13 ரன்கள் வித்தியாசத்தில் தென்னாபிரிக்காவை வீழ்த்தி வெற்றி பெற்றது.

அரையிறுதியில் இந்தியா :

பி பிரிவில் இந்தியா 6 புள்ளிகளுடன் உள்ளது, தென்னாபிரிக்கா 5 புள்ளிகளுடன் உள்ளது. டி20 உலகக் கோப்பை வரலாற்றில் நான்காவது முறையாக அரையிறுதிக்கு  இந்தியா முன்னேறியுள்ளது.பங்களாதேஷ்-பாகிஸ்தான் போட்டியில் வெற்றி பெறும் அணி இந்தியா, இங்கிலாந்து, நியூசிலாந்து அணிகளுடன் அரையிறுதியில் இணையும்.

இன்று பிற்பகல் 1.30 க்கு மூன்றாவது போட்டியாக இந்தியா மற்றும் ஜிம்பாவே நடைபெறவுள்ளது.