ஆவின் ‘டிலைட்’ – 3 மாதங்கள் வரை வைத்து பயன்படுத்தும் பசும்பால் அறிமுகம்!
குளிர்சாதன வசதியின்றி 3 மாதங்கள் வரை வைத்து பயன்படுத்தும் வகையில் ஆவின் டிலைட் என்ற பசும்பால் அறிமுகம்.
“ஆவின் டிலைட்” எனும் “பசும் பால்” 3 மாதம் வரை வைத்து பயன்படுத்தும் விதமாக ஆவின் நிர்வாகம் சார்பில் அறிமுகப்படுத்தப்பட்டுள்ளது. அதாவது, குளிர்சாதன வசதியின்றி 90 நாட்கள் வரை வைத்து பயன்படுத்தும் வகையில் தயாரிக்கப்பட்டுள்ள இந்த “ஆவின் டிலைட்” எனும் “பசும் பால்” 500 மில்லி லிட்டர் பாக்கெட்டின் அதிகபட்ச சில்லறை விலை ரூ.30க்கு விற்பனை செய்யப்படுகிறது.
மேலும், எவ்வித வேதி பொருட்களும் சேர்க்கப்படாமல் நவீன தொழில்நுட்ப முறையில் இந்த ஆவின் ‘டிலைட்’ என்ற பசும்பால் தயாரிக்கப்படுகிறது என்றும் ஆவின் நிர்வாகம் தெரிவித்துள்ளது என்பது குறிப்பிடத்தக்கது.
ஆவின் டிலைட் வாங்கி பயன்பெறுவீர் !!!#aavin #aavinmilk #aavindelite pic.twitter.com/0mYtiKYRSS
— Aavin TN (@AavinTN) November 1, 2022