#T20 World Cup 2022: டி சில்வா அரைசதத்துடன், ஆப்கானிஸ்தானை வென்றது இலங்கை அணி.!

டி-20 உலகக்கோப்பையில் ஆப்கானிஸ்தான் அணிக்கு எதிராக இலங்கை 6 விக்கெட் வித்தியாசத்தில் வெற்றி பெற்றுள்ளது.

ஆஸ்திரேலியாவில் எட்டாவது ஐசிசி டி-20 உலகக்கோப்பை தொடர் நடைபெற்று வருகிறது. இன்று நடைபெற்ற சூப்பர்-12 போட்டியில் இலங்கை மற்றும் ஆப்கானிஸ்தான் அணிகள் மோதியது. டாஸ் வென்று ஆப்கானிஸ்தான் அணி முதலில் பேட் செய்து 20 ஓவர்களில் 8 விக்கெட் இழப்புக்கு 144 ரன்கள் குவித்தது.

ஆப்கானிஸ்தான் அணியில் அதிகபட்சமாக ரஹ்மனுல்லா குர்பஸ் 28 ரன்களும், உஸ்மான் கானி 27 ரன்களும் குவித்தனர். இலங்கை அணி தரப்பில் வணிந்து ஹசரங்கா 3 விக்கெட்களை சாய்த்தார்.

145 ரன்கள் வெற்றி இலக்குடன் களமிறங்கிய இலங்கை அணி 18.3 ஓவர்களில் 4 விக்கெட்களை மட்டும் இழந்து இலக்கை எட்டியது. இலங்கை அணியில் அதிகபட்சமாக தனஞ்செய டி சில்வா 66 ரன்களும் எடுத்து இறுதி வரை ஆட்டமிழக்காமல் களத்தில் இருந்தார். இலங்கை அணி 6 விக்கெட் வித்தியாசத்தில் ஆப்கானிஸ்தானை வீழ்த்தியது.