யூ-டியூப் மூலம் 6,800 கோடி சம்பாதித்து கொடுத்த இந்திய யூடியூபர்கள்.! வெளியான சூப்பர் ரிப்போர்ட்….

யூ-டியூப் உள்ளடக்க(Content) உருவாக்குபவர்களின் மூலம் 7லட்சம் வேலைவாய்ப்புகள் மற்றும் 6,800 கோடி வருவாய் உருவாகிறது.

யூ-டியூப் கிரியேட்டர்கள் மூலம் இந்தியாவின் பொருளாதாரம் செழித்து வருகிறது, உள்நாட்டு யூ-டியூப் கிரியேட்டர்கள் மூலம் ஆண்டுக்கு 6,800 கோடி வருவாய் இந்திய உள்நாட்டு உற்பத்திக்கு(GDP) செல்கிறது மேலும் 7 லட்சம் வேலைவாய்ப்புகள் உருவாகிறது என்றும் யூ-டியூப் இந்தியா தலைமை தயாரிப்பு அதிகாரி, நீல் மோகன் தெரிவித்துள்ளார்.

அவர் மேலும் கூறியதாவது யூ-டியூப், படைப்பாளிகளுக்கு ஃபேன்ஸ்களை மட்டும் உருவாக்கவில்லை அவர்களுக்கு இதன்மூலம் வருவாயையும் உருவாக்கி தருகிறது. படைப்பாளிகள் எங்கிருந்தாலும் அவர்கள் முதலில் தேடி வருவது யூட்யூப் ஆகத் தான் இருக்கும்.

யூ-டியூப் மூலம் சிறிய அளவிலிருந்து வருபவர்கள் மீடியாவிற்குள் எளிதாக நுழைகின்றனர். நாங்கள் இந்தியாவின் பல மொழிகளிலும் எங்களது தளத்தை வெற்றிகரமாக இயக்கி வருகிறோம். படைப்பாளிகளுக்கும், பயனாளர்களுக்கும் பாதுகாப்பான தளமாகவே யூ-டியூப்பை நடைமுறைப்படுத்தி வருகிறோம் என்று நீல் மோகன் கூறியுள்ளார்.

யூ-டியூப் தளத்தில் என்ன நடக்கிறது என்பதில் அரசுக்கும் அக்கறை இருக்கிறது. எந்தவித தவறான தகவலும் யூ-டியூப் தளத்தில் பரப்புவதில்லை என்பதில் அரசாங்கத்திற்கும், எங்களுக்கும் மிகுந்த பொறுப்பு உள்ளது. நாங்கள் இதற்காக ஒரு குழுவை அமைத்து கண்காணித்து வருகின்றோம் என்று அவர் மேலும் தெரிவித்தார்.