பிளாஸ்டிக்கிற்கு எதிராக ஆட்சியரின் 187 டன் அதிரடி நடவடிக்கை.! அமைச்சர் தகவல்.!

பிளாஸ்டிக் பயன்பாட்டை குறைக்க ராணிப்பேட்டை மாவட்ட ஆட்சியர் ஒரே நாளில் 187 டன் பிளாஸ்டிக்கை அதிகாரிகள் உதவியுடன் கைப்பற்றி மறுசுழற்சிக்கு அனுப்பிவைத்தார். என அமைச்சர் மெய்யநாதன் பேசினார். 

தமிழக சுற்றுலாத்துறை அமைச்சர் மெய்யநாதன் இன்று செய்தியாளர்களை சந்தித்து பேசினார். அதில் தமிழகத்தில் பிளாஸ்டிக் பயன்பாடு குறித்தும் பண்டிகை கால  பிளாஸ்டிக் பயன்பாடு குறித்தும் பேசினார்.

அதில், கடந்த 2019 தொடக்கத்தில் 14 வகை பிளாஸ்டிக் பயன்பாட்டிற்கு மாநில அரசு தடை விதித்தது. அதே போல, மத்திய அரசும் ஜூலை 2022இல் குறிப்பிட்ட வகை பிளாஸ்டிக் பைகளுக்கு தடை விதித்தது. தமிழக அரசும் மீண்டும் மஞ்சப்பை எனும் திட்டம் மூலம் பிளாஸ்டிக் பயன்பாட்டை குறைத்து வருகிறது.

இருந்தும் இந்த தீபாவளி பண்டிகையை ஒட்டி பிளாஸ்டிக் பயன்பாடு அதிகரித்துள்ளதாக செய்திகள் வெளியாகியுள்ளன. இது வேதனை அளிக்கிறது. பொதுவிழாக்களில் பிளாஸ்டிக் பயன்பாட்டை மக்கள் குறைக்க வேண்டும். எது எல்லா உயிரினத்திற்கும் பேராபத்து என குறிப்பிட்டு அமைச்சர் பேசினார்.

மேலும் கூறுகையில், ராணிப்பேட்டை மாவட்ட ஆட்சியர் ஒரே நாளில் 187 டன் பிளாஸ்டிக்கை அதிகாரிகள் உதவியுடன் கைப்பற்றி மறுசுழற்சிக்கு அனுப்பிவைத்தார். அதே போல மற்ற மாவட்டத்திலும் முன்னெடுக்க வேண்டும் ‘ என பிளாஸ்டிக் பயன்பாடு குறித்தும், மாவட்ட ஆட்சியர் நடவடிக்கை குறித்தும் பேசினார் அமைச்சர் மெய்யநாதன்.