காங்கிரஸ் எம்.பி ராகுல் காந்தியின் ஒற்றுமை யாத்திரைக்கு 3 நாள் தீபாவளி விடுமுறை.!

தீபாவளி பண்டிகையினை முன்னிட்டு 24 முதல் 26 வரையில் ராகுல் காந்தி மேற்கொண்டு வரும் ஒற்றுமை யாத்திரைக்கு விடுமுறை அளிக்கப்பட்டுள்ளதாக அறிவிக்கப்பட்டுள்ளது . 

காங்கிரஸ் எம்பி ராகுல்காந்தி கன்னியாகுமரியில் தொடங்கிய ஒற்றுமை யாத்திரை, தமிழகம் மற்றும் கேரளாவை கடந்து தற்போது கர்நாடகாவில் கடந்த செப்டம்பர் 30ஆம் தேதி தொடங்கிய ஒற்றுமை யாத்திரை 500 கிமீ தூரத்தை கடந்து சென்று கொண்டிருக்கிறது.

தொடர்ந்து நடைபெற இருந்த இந்த ஒற்றுமை யாத்திரைக்கு 3 நாள் விடுமுறை என தகவல் வெளியாகியுள்ளது. தீபாவளி தினத்தை முன்னிட்டு 24, 25ஆம் தேதிகளிலும், 26ஆம் தேதி காங்கிரஸ் புதிய தலைவராக மல்லிகார்ஜுன கார்கே பதவி ஏற்கும் நிகழ்ச்சியில் கலந்துகொள்ள உள்ளதாலும், 3 நாள் தொடர் விடுமுறை என அறிவிக்கப்பட்டுள்ளது.

இதனை அடுத்து 27ஆம் தேதி தெலுங்கானாவில் ராகுல்காந்தி எம்பி ஒற்றுமை யாத்திரையை தொடங்க உள்ளதாகவும் தகவல் வெளியாகியுள்ளது.