நாட்டிலேயே பணக்கார கட்சியாக சமாஜ்வாதி உள்ளது ..!

நாட்டில் உள்ள மாநில கட்சிகளிலேயே பணக்கார கட்சியாக உத்தரபிரதேசத்தின் சமாஜ்வாதி உருவெடுத்துள்ளது.

அங்கீகரிப்பட்ட 32 மாநில கட்சிகள் 2016-17-ஆம் நிதியாண்டுக்கான வரவு செலவு கணக்கை தேர்தல் ஆணையத்திடம் தாக்கல் செய்துள்ளன.

இதன்படி அந்த கட்சிகளின் மொத்த வருமானம்321 கோடி ரூபாய் என்றும்,இதில் 82 கோடியே 76 லட்ச ரூபாய் வருமானம் பெற்றுள்ள சமாஜ்வாதி முதலிடத்தில் உள்ளதாகவும் தேர்தல் ஆணைய இணையதளத்தில் கூறப்பட்டுள்ளது.

தெலுங்கு தேசம் கட்சியின் வருமானம் 72 கோடியே 92 லட்சமாகவும், அதிமுகவின் வருமானம் 48 கோடியே 88 லட்சமாகவும் உள்ளது. மதசார்பற்ற ஜனதா தளத்தின் வருமானத்தில் 87 சதவிகிதமும், தெலுங்கு தேசத்தின் வருமானத்தில் 67 சதவிகிதமும் செலவிடப்படவில்லை என்றும் தெரிவிக்கப்பட்டுள்ளது.