‘Cello Show’ படத்தில் நடித்த 10 வயது குழந்தை நட்சத்திரம் புற்றுநோயால் உயிரிழப்பு

by Dinasuvadu WebPosted on October 12, 2022

இந்தியாவின் ஆஸ்கர் விருதுக்கு பரிந்துரைக்கப்பட்ட ‘செல்லோ ஷோ’ என்ற குஜராத்தி திரைப்படத்தில் நடித்த 10 வயது குழந்தை நட்சத்திரம் ராகுல் புற்றுநோயால் உயிரிழந்தார்.

குஜராத்தி இயக்குனர் ஃபான் நிலன் இயக்கிய ‘செல்லோ ஷோ’ சமீபத்தில் 95வது ஆஸ்கார் விருதுக்கு பரிந்துரைக்கப்பட்டது. இந்தப் படத்தில் மனு என்ற 10 வயது சிறுவனாக ராகுல் கோலி நடித்திருந்தார்.

இந்நிலையில், கடந்த 4 மாதங்களாக ரத்தப் புற்றுநோயால் பாதிக்கப்பட்டிருந்த சிறுவன் சிகிச்சை பெற்று வந்துள்ளார்.கடந்த சில நாட்களுக்கு முன், ரத்த வாந்தி எடுத்ததால், பெற்றோர் மருத்துவமனைக்கு அழைத்துச் சென்றனர். அங்கு சிகிச்சை பலனின்றி ராகுல் உயிரிழந்ததாக அவரது தந்தை தெரிவித்துள்ளார்.