இனி திமுக தான் உங்கள் சாதி.. தொண்டர்கள் தான் சாதிசனம்.! கழகத்திடம் இருந்து பறக்கும் உத்தரவுகள்.!

திமுக நிர்வாகிகளுக்கு திமுக தான் இனி உங்கள் சாதி. தொண்டர்கள் தான் சாதிசனம். இனி வரும் காலம் சோதனை காலம் என புதியதாக தேர்ந்தெடுக்கப்பட்ட நிர்வாகிகளுக்கு முரோசொலி பத்திரிகை வாயிலாக அறிவுறுத்தப்பட்டுள்ளது. 

திமுக உட்கட்சி தேர்தல் இறுதி கட்டத்தை எட்டியுள்ளது. மாவட்ட, பேரூராட்சி, ஊராட்சி, ஒன்றிய பகுதிகளுக்கு புதிய நிர்வாகிகள் தேர்வு செய்யப்பட்டு விட்டனர். தலைவர் , பொதுச்செயலாளர் உள்ளிட்ட முக்கிய நிர்வாகிகள் மட்டும் வரும் கழக பொதுக்கூட்டத்தில் அறிவிக்கப்படும் என எதிர்பார்க்கப்படுகிறது

இதற்கிடையில், திமுகவின் பத்திரிகையான முரசொலியில் புதிய நிர்வாகிகளுக்கு சில  அறிவுரைகள் விடப்பட்டு உள்ளது. அதில், ‘ திமுக என்பது தனிமனித செல்வாக்கை வைத்து வளர்ந்த இயக்கமல்ல. கொள்கை தான் திமுகவின் வலிமை. திமுக நிர்வாகிகளுக்கு இனி சாதிய அடையாளம் கிடையாது. திமுக தான் இனி உங்கள் சாதி. திமுக தொண்டர்கள் தான் உங்கள் சாதிசனம். ‘ என்றும்,

‘ இடுபொடிந்த தோல்விகள் கண்டபோதும், திமுக மிடுக்கோடு எழுந்து நின்றுள்ளது. தேர்ந்தெடுக்கப்பட்ட புதிய நிர்வாகிகளுக்கு வரும் காலம் சோதனை மிகுந்தது.  கடுமையாக பணியாற்ற வேண்டும்.’ எனவும் முரசொலியில் தெரிவிக்கப்பட்டுள்ளது.