அண்ணாமலைக்கு ஆட்டுக்குட்டி பரிசு.! பெட்ரோல், டீசல் விலை உயர்வுக்கு காங்கிரஸ் நூதன எதிர்ப்பு.!

காங்கிரஸ் ஆட்சிக்காலத்தில் இருந்தது போல, பெட்ரோல், டீசல் விலையை பாஜக அரசு குறைத்துவிட்டால் அண்ணாமலைக்கு ஆட்டுக்குட்டி பரிசாக வழங்கப்படும் என தமிழக காங்கிரஸார் நூதன எதிர்ப்பை தெரிவித்துள்ளனர். 

மதுரை மாவட்டம் அவனியாபுரத்தில், தமிழக காங்கிரஸ் கட்சி சார்பில் கண்டன பொதுக்கூட்டம் நடைபெற்றது. இதில் ஒரு சுவாரஸ்ய அறிவிப்பு ஒன்று வெளியானது.

அதாவது, அக்கூட்டத்தில், மத்தியில் ஆளும் பாஜக அரசு, சமையல் எரிவாயு, பெட்ரோல், டீசல் விலையை உயர்த்தியதற்கு எதிர்ப்பு தெரிவித்து, தீர்மானம் நிறைவேற்றப்பட்டது.

மேலும், காங்கிரஸ் ஆட்சிக்காலத்தில் இருந்தது போல, பெட்ரோல், டீசல் விலையை பாஜக அரசு குறைத்துவிட்டால், தமிழக பாஜக தலைவர் அண்ணாமலைக்கு ஆட்டுக்குட்டியை பரிசாக தருவோம் எனவும் அக்கூட்டத்தில் தீர்மானம் போட்டுள்ளனர்.