ஆந்திராவின் பேப்பர் தொழிற்சாலையில் தீ விபத்து; 3 பேர் பலி.!

ஆந்திர மாநிலம் சித்தூர் என்ற பகுதியில் இயங்கிவரும் காகிதத்தட்டு தயாரிக்கும் தொழிற்சாலையில் ஏற்பட்ட தீ விபத்தில் 3 பேர் உயிரிழந்தனர்.

ஆந்திராவின் சித்தூர் மாவட்டத்தில் பாஸ்கர் என்பவருக்குச் சொந்தமான காகிதத்தட்டுகள் தயாரிக்கும் தொழிற்சாலை இயங்கிவருகிறது. இங்கு புதன் கிழமை அதிகாலை தீ விபத்து ஏற்பட்டுள்ளது. இந்த விபத்தில் 3 பேர் பலியாகியுள்ளனர். பாஸ்கர், தில்லி பாபு மற்றும் பாலாஜி ஆகியோரது உடல் அடையாளம் காணப்பட்டது. மேலும் சில தொழிலாளர்கள் மருத்துவமனைக்கு கொண்டு செல்லப்பட்டனர்.

இது குறித்து தகவல் அறிந்த போலிசார் விரைந்து சென்று தீயை அணைக்கும் முயற்சியில் ஈடுபட்டு வருகின்றனர். போலிசார், மேற்கொண்ட முதற்கட்ட விசாரணையில் தொழிற்சாலையில் ஏற்பட்ட மின்கசிவின் காரணமாக தீ விபத்து ஏற்பட்டிருப்பதாக தகவல் தெரிவிக்கப்பட்டுள்ளது.

கட்டிடத்தின் முதல் தளத்தில் தொழிற்சாலையின் உற்பத்தி பிரிவு அமைக்கப்பட்டிருந்த நிலையில், அதன் உரிமையாளர் பாஸ்கர் அதே கட்டிடத்தின் இரண்டாவது தளத்தில் வசித்து வந்தார். செவ்வாய்க்கிழமை தனது மகன் டில்லி பாபுவின் பிறந்தநாளைக் கொண்டாடுவதற்காக இருந்த நிலையில் பாஸ்கர், தில்லி பாபு மற்றும் பாலாஜி ஆகியோர் தீயில் சிக்கி உயிரிழந்துள்ளனர்.