பேனா வைப்பதற்கு பதிலாக பெரியார் சிலை வைக்கலாமே…?- பிரேமலதா விஜயகாந்த்

பேனா வைப்பதற்கு பதிலாக பெரியார் சிலை வைக்கலாம் என பிரேமலதா விஜயகாந்த் பேச்சு. 

தாம்பரத்தில் செங்கல்பட்டு மாவட்ட தேமுதிக சார்பில் முப்பெரும் விழா நடைபெற்றது. இந்த விழாவில் தேமுதிக பொருளாளர் பிரேமலதா அவர்கள் கலந்து கொண்டு உரையாற்றினார்.

அப்போது பேசிய அவர், கேப்டன் விஜயகாந்த் நலமாக உள்ளார். எந்த நோக்கத்திற்காக இந்த கட்சி துவங்கப்பட்டதோ, அதை நிச்சயம் நாம் அடைவோம். நாம் செய்த உதவிகளோ, தர்மங்களோ என்றும் வீண் போகாது என தெரிவித்துள்ளார்.

மேலும்,  திமுக ஆட்சிக்கு வந்து எந்த ஒரு தேர்தல் வாக்குறுதிகளையும் நிறைவேற்றாமல், பொய்யான வாக்குறுதிகளை அளித்து வருகிறது. எழுதாத பேனாவிற்கு 80 கோடி ரூபாய் செலவில் சிலை வைப்பதற்கு, மக்களுக்கு சாலை வசதி, குடிநீர் வசதி போன்ற அடிப்படை வசதிகளை செய்யலாமே? பேனா வைப்பதற்கு பதிலாக பெரியார் சிலை வைக்கலாமே? என கேள்வி எழுப்பியுள்ளார்.