மாணவர்களுக்கு ஒரு குட் நியூஸ்…! காலாண்டு விடுமுறை அறிவிப்பு…!

மாணவர்களுக்கு காலாண்டு விடுமுறை குறித்த அறிவிப்பை வெளியிட்ட பள்ளிக்கல்வித்துறை.

நேற்று தமிழகம் முழுவதும் பள்ளியளவில் வினாத்தாள் தயாரித்து காலாண்டுத் தேர்வை நடத்திக் கொள்ளலாம் என பள்ளிக்கல்வித்துறை அனுமதி வழங்கியுள்ளது. மாநிலம் முழுவதும் ஒரே மாதிரியான வினாத்தாளைக் கொண்டு தேர்வு நடத்தப்படும் போது, வினாத்தாள் லீக் ஆன நிலையில், புதிய நடைமுறையை அறிவித்துள்ளது.

இந்த நிலையில், தற்போது மாணவர்களுக்கு காலாண்டு விடுமுறை குறித்த அறிவிப்பு வெளியாகியுள்ளது. அதன்படி, தமிழகத்தில் 1 முதல் 5ம் வகுப்பு வரை பயிலும் மாணவர்களுக்கு அக்.1 முதல் அக்.9ம் தேதி வரை விடுமுறை அளிக்கப்பட்டு, அக்-10ஆம் தேதி பள்ளிகள் திறக்கப்படும்.

6 முதல் 12ம் வகுப்பு வரை பயிலும் மாணவர்களுக்கு அக்.1 முதல் அக்.5ம் தேதி வரை விடுமுறைஅளிக்கப்பட்டு, அக்-6 ஆம் தேதி பள்ளிகள் திறக்கப்படும் என்றும் அறிவிக்கப்பட்டுள்ளது.

மேலும்,எண்ணும் எழுத்தும் திட்ட வளரறி மதிப்பீட்டுத் தேர்வுக்காக 1 முதல் 5ம் வகுப்பு வரை பயிலும் மாணவர்களுக்கு கூடுதல் விடுமுறை அளிக்கப்படும் என்றும் தெரிவிக்கப்பட்டுள்ளது.