மின்கட்டண உயர்வு – அதிமுகவினர் இன்று ஆர்ப்பாட்டம் ..!

by லீனாPosted on September 16, 2022

மின்கட்டண உயர்வை கண்டித்து அதிமுகவினர் இன்று ஆர்ப்பாட்டம்.

தமிழகத்தில், புதிய மின் கட்டண உயர்வு கடந்த சில நாட்களுக்கு முன் அமலுக்கு வந்தது. 8 ஆண்டுகளுக்கு பின்னர் தமிழகத்தில் மின் கட்டணம் உயர்த்தப்பட்டுள்ளது. இந்த மின்கட்டண உயர்வு பொதுமக்கள் மத்தியில் பெரும் அதிர்ச்சியை ஏற்படுத்தி உள்ளது.

இந்த மின் கட்டண உயர்வை திரும்ப பெறுமாறு அரசியல் கட்சியினர் அறிவித்து வரும் நிலையில், தமிழ்நாட்டில் மின் கட்டண உயர்வைக் கண்டித்தும், இதனை திமுக அரசு உடனடியாக திரும்பப் பெற வேண்டும் என்று வலியுறுத்தியும் இன்று அனைத்து மாவட்டங்களிலும் காலை 10.30 மணியளவில் அதிமுக சார்பில் கண்டன ஆர்பாட்டம் நடைபெற உள்ளது.